දිල්ලි බෝම්බකරු ගේ ස්වයං පටිගත වීඩියෝවක් මාධ්‍යට නිකුත් වේ
දිල්ලියේ සංකේතාත්මක රතු බලකොටුව අසල පිපිරීමකින් ජීවිත 13 ක් අහිමි වී සතියකට පසු, බෝම්බකරු වන ආචාර්ය උමාර් මොහොමඩ් නොහොත් උමාර්-උන්-නබිගේ ස්වයං-පටිගත කළ වීඩියෝවක් මතු මාධ්‍ය වෙත නිකුත් වී තිබෙනවා.
දිල්ලි බෝම්බකරු ආචාර්ය උමාර් මොහොමඩ් නොහොත් උමාර්-උන්- නබිගේ චින්තන ක්‍රියාවලිය පිළිබඳ පළමු සාක්ෂිය ලෙස එළිදක්වා ඇති වීඩියෝවේ ඔහු මරාගෙන මැරෙන බෝම්බ ප්‍රහාරය සහ “ප්‍රාණ පරිත්‍යාගය” ගැන කතා කරන බව හෙළිදරව් වනවා.
ඔහු ඒ පිළිබඳව පවසන්නේ මෙවැන්නක්,
“ඉතා වරදවා වටහාගෙන ඇති සංකල්පවලින් එකක් වන්නේ මරාගෙන මැරෙන බෝම්බ ප්‍රහාරයක් ලෙස ලේබල් කර ඇති දෙය පිළිබඳ සංකල්පයයි.
එය ඉස්ලාමයේ දන්නා ප්‍රාණ පරිත්‍යාගික මෙහෙයුමක්. දැන්, බහු පරස්පරතා තිබෙනවා; එයට එරෙහිව ගෙන එන ලද තර්ක කිහිපයක් තිබෙනවා,” තරුණ වෛද්‍යවරයා වීඩියෝවේ පැහැදිළි කරයි.
ඔහු වීඩියෝවේ තවදුරටත් පවසන්නේ “ප්‍රාණ පරිත්‍යාගික” මෙහෙයුමක් යනු පුද්ගලයෙකු යම් ස්ථානයක සහ වේලාවක මිය යන බව උපකල්පනය කරන එකක් බවයි.
වීඩියෝවේ, උමාර් ඉංග්‍රීසි කතා කරන්නේ අවධාරණයකින්.
ඔහු පවසන දෙයින් හෙළි වන්නේ ඔහු මරාගෙන මැරෙන බෝම්බ ප්‍රහාර සහ “ප්‍රාණ පරිත්‍යාගය” වැනි විෂයයන් ගැන ගැඹුරින් සිතූ බවත්, එයින් ඇඟවෙන්නේ ඔහු සම්පූර්ණයෙන්ම රැඩිකල්කරණය වී ඇති බවයි.