මල් ශාලා හිමිකරු ඝාතන සිද්ධියේ සැකකරු අත්අඩංගුවට (VEDIO)
අම්බලන්ගොඩ ආවාසවත්ත හංදිය ප්‍රදේශයේ මල් ශාලා හිමිකරුවෙකු කපා කොටා ඝාතනය කළ සැකකරු නීතිඥවරයෙකු මාර්ගයෙන් අම්බලන්ගොඩ පොලිස් ස්ථානය වෙත පැමිණ භාරවීමෙන් පසු අත්අඩංගුවට ගෙන තිබෙනවා.
අත්අඩංගුවට ගත් සැකකරු වයස අවුරුදු 27 ක් වන වතුගෙදර ප්‍රදේශයේ පදිංචිකරුවෙක්.
මෙම සැකකරු ඝාතනයට ලක්වූ මල් ශාලා හිමිකරුගේ සහායක ලෙස කටයුතු කර තිබෙනවා.
මියගිය පුද්ගලයා සිය බිරිඳ සමඟ අනියම් සබඳතාවයක් පැවැත්වූ බවට මතුවූ සැකය මත අදාළ සැකකරු මෙම ඝාතනය සිදුකර තිබෙන බවට තොරතුරු අනාවරණය වී ඇති බව සඳහන්.
සිද්ධිය සම්බන්ධයෙන් අම්බලන්ගොඩ පොලිසිය වැඩිදුර විමර්ශන සිදු කරමින් පවතිනවා.