මහා පරිමාණ කුඩු ජාවාරම්කරුවෙකු කොටුවෙයි
නුවරඑළිය වලපනේ ප්‍රදේශයේ හෙරොයින් මත්ද්‍රව්‍යය අලෙවිකරන ප්‍රධාන ජාවාරම්කරුවෙකු නුවරඑළිය කොට්ඨාශ දුෂණ මර්ධන ඒකකයට අනුයුක්ත විෂ මත්ද්‍රව්‍ය ඒකකය විසින් අත්අඩංගුවට ගෙන තිබෙනවා.
සැකකරු කොළඹ මාලිගාවත්ත ප්‍රදේශයෙන් හෙරොයින් මත්ද්‍රව්‍යය මිලදී ගෙන වලපනේ ප්‍රදේශයට රැගෙන විත් කුඩා පැකට් වශයෙන් අසුරා වලපනේ, පදියපැලැල්ල ,රිකිල්ලගස්කඩ ,අදිකාරිගම යන ප්‍රදේශවලට අලවි කරන බවට ලද තොරතුරක් මත උපාය දුතයෙකු යොදවා සැකකරු අත්අඩංගුවට ගෙන තිබුණා.
එම අවස්ථාවේ ඔහු සතුව තිබී සොයාගත් හෙරොයින් ප්‍රමාණය ග්‍රෑම් 06 මිලිග්‍රෑම් 50 බවයි වැටලිම් සිදුකල පොලිස් නිලධාරින් කියා සිටියේ.
එම මත්කුඩු පැකට් 30ක් ලෙස අසුරා තිබෙනවා.
අත්අඩංගුවට ගත් සැකකරු වලපනේ මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
