මාරක ළිඳක් කඩා වැටී පස් දෙනෙකු රෝහලේ (VIDEO)
දිවුලපැලැස්ස රොටලවෙල ක්‍රීඩාංගණයේ පැවති සැණකෙළියක ඉදිකර තිබූ මාරක ළිඳක් හදිසියේ කඩා වැටීමෙන් පස්දෙනකු තුවාල ලබා ගිරාදුරුකෝට්ටේ සහ මහියංගණ රෝහලට ඇතුළත් කළ බව දිවුලපැලැස්ස පොලිසිය පවසනවා.
තුවාල ලැබූවන් අතර අවුරුදු 50 ක් වයස කාන්තාවක් සහ අවුරුදු 13, 36,40,45 වයසේ පසුවෙන පිරිමි පුද්ගලයන් සිව්දෙනකු සිටින බවයි පොලිසිය සඳහන් කරන්නේ.
මොවුන් දිවුලපැලැස්ස රොටලවෙල ප්‍රදේශයේ පදිංචි අය වනවා.
වෙසක් උත්සවය නිමිත්තෙන් දිවුලපැලැස්ස රොටලවෙල ප්‍රදේශයේ විහාරස්ථානයක් මගින් සංවිධානය කර තිබූ මෙම සැණකෙළියේ සමාරම්භක අවස්ථාව ඊයේ(23) නැරඹීමට විශාල පිරිසක් පැමිණ සිටි බවයි වැඩිදුරටත් සඳහන් වන්නේ.