මීගොඩ වෙඩි තැබීමක් -පුද්ගලයෙක් මරුට

මීගොඩ, නාගහවත්ත ප්‍රදේශයේදී සිදුකළ වෙඩිතැබීමකින් පුද්ගලයෙකු මියගොස් තිබෙනවා.

ඊයේ (14) රාත්‍රීයේදී මෝටර් රථයක ගමන් කරමින් සිටි එම පුද්ගලයාට නාඳුනන පුද්ගලයින් දෙදෙනෙකු විසින් වෙඩි තැබීම සිදු කර ඇති බවයි පොලිසිය පැවසුවේ.

මියගිය පුද්ගලයා 32 හැවිරිදි වියේ පසුවන අතර ඔහු සහෝදරයාගේ නිවසේ සිට මීගොඩ නාගහවත්ත ප්‍රදේශයේ තම නිවස වෙත යමින් සිටියදී වෙඩිතැබීමට ලක්ව තිබෙනවා.

වෙඩිතැබීම සිදුවන අවස්ථාවේ මියගිය පුද්ගලයාගේ වයස අවුරුදු එකහමාරක් වූ දියණිය සහ බිරිඳ ද මෝටර් රථයේ සිට ඇති බවයි වාර්තා වන්නේ.

වෙඩි තැබීම සිදු කළ සැකකරුවන් හඳුනාගැනීම සඳහා පුළුල් විමර්ශන ක්‍රියාත්මකයි.