මීතොටමුල්ල සෞඛ්‍යය වෛද්‍ය නිළධාරි කාර්යාලයෙන් ගිනි අවියක් සොයා ගැනේ
මීතොටමුල්ල සෞඛ්‍යය වෛද්‍ය නිළධාරි කාර්යාලය පරිශ්‍රයේ ස්ථානගතකර තිබූ කන්ටේනර් බහාලුමක් යට සඟවා තිබූ විදේශීය නිෂ්පාදිත අති නවීන පිස්තෝල අවියක් සහ එම පිස්තෝල අවියට යොදා ගන්නා මැගසින් දෙකක් සොයා ගෙන තිබෙනවා
අනාවරණය කරගත් තොරතුරක් මත පොලිස් විශේෂ කාර්ය බලකාය බුද්ධි කොට්ඨාශයේ නිලධාරීන් ඊයේ (08) දිනයේ වැල්ලම්පිටිය, මීතොටමුල්ල සෞඛ්‍යය වෛද්‍ය නිළධාරි කාර්යාලය පරිශ්‍රය පරීක්ෂාවට ලක්කර කිරීමේදී අදාළ ගිනි අවිය සොයා ගෙන ඇත්තේ
ආසන්න දිනයකදී මනුෂ්‍ය ඝාතනයක් සිදුකිරීමට සූදානමින් මෙම නවීන ගිනි අවිය අනාරක්ෂිත ලෙස මෙසේ සඟවා තබන්නට ඇතැයි සැකකෙරෙන අතර වැල්ලම්පිටිය පොලිසිය මගින් ඉදිරි විමර්ශන සිදු කරනු ලබනවා