මෙරට සංවර්ධනයට ඉන්දියාව සමඟ හවුල්කාරිත්වයකින් ඉදිරියට යාම අරමුණයි
ශ්‍රී ලංකාවේ සංවර්ධන ඉලක්ක ඉටු කර ගැනීමේදී ඉන්දියාව සමඟ මනා හවුල්කාරිත්වයකින් ඉදිරියට යාමට අපේක්ෂා කරන බව ජනාධිපති රනිල් වික්‍රමසිංහ මහතා පවසනවා.
ජනාධිපතිවරයා මේ බව කියා සිටියේ කොළඹ පැවති 31 වැනි සමස්ත ඉන්දීය හවුල්කාර හමුව (AIPM 2024) අමතමින්
එමෙන්ම බලශක්ති ක්ෂේත්‍රයට අදාළව ඉන්දියාව සහ ශ්‍රී ලංකාව අතර ක්‍රියාත්මක ඒකාබද්ධ ව්‍යාපෘති කඩිනම් කර ජනතාවට ප්‍රතිලාභ ලබා දෙන බවත් වසර 30ක යුද්ධයෙන් පීඩාවට පත් වූ උතුරේ ජනතාවට නව සංවර්ධනයක් අත්කර දීම අරමුණ බවත් ජනාධිපතිවරයා පැවසුවා
මීට අමතරව ලබන සතියේ නිල ණය හිමියන්ගේ කමිටුව රැස්වන අතර ණය දුන් රටවල්, පැරිස් සමාජය, ඉන්දියාවේ නියෝජිතයන් ඇතුළු පිරිස එහිදී හමුවීමට සූදානමින් සිටින බවත් චීනය හා චීන එක්සිම් බැංකුව සමගත් සාකච්ඡා කිරීමට බලාපොරොත්තුවෙන් සිටින බවයි එහිදී වැඩිදුරටත් අදහස් දක්වමින් ඔහු කියා සිටියේ