යුක්‍රේනයේ කැරලිකරුවන්ගේ ග්‍රහණයේ පවතින ප්‍රදේශ රුසියානු ජනපති පිළිගනියි
රුසියානු ජනාධිපති ව්ලැඩිමීර් පුටින් යුක්‍රේනයේ නැගෙනහිරින් වෙන්වී ගිය කැරලිකාර ප්‍රදේශ ස්වාධීන රාජ්‍යයන් ලෙස පිළිගෙන ඇති අතර එහි සාම සාකච්ඡා ඵලදායී ලෙස අවසන් කර ඇති බව විදෙස් මාධ්‍ය වාර්තා කරනවා.
2014 වසරේ සිට යුක්‍රේන හමුදාවන්ට එරෙහිව සටන් වදින රුසියාවේ පිටුබලය ලබන කැරලිකරුවන්ගේ නිවහන වන්නේ ස්වයං-ප්‍රකාශිත මහජන සමූහාන්ඩු වන ඩොනෙට්ස්ක් සහ ලුහාන්ස්ක් ය.
රූපවාහිනී දේශනයකදී පුටින් පවසන්නේ යුක්‍රේනයට සැබෑ ජාතියක් වීමේ ඉතිහාසයක් නොමැති බවයි
යුක්‍රේනයේ ජනාධිපති සෙලෙන්ස්කි,පවසන්නේ යුක්‍රේනය බිය නොවන බවත් කිසිවෙකුට කිසිවක් ලබා නොදෙන බවත්ය
එමෙන්ම රුසියාව හිතාමතාම ස්වෛරීභාවය උල්ලංඝනය කරන බවට යුක්‍රේන ජනාධිපතිවරයා චෝදනා කරනවා
කැරලිකරුවන්ගේ ග්‍රහණයේ පවතින ප්‍රදේශ පුටින්ගේ පිළිගැනීම නිසා රුසියානු හමුදාවන්ට යුක්‍රේනයේ නැගෙනහිරට නිල වශයෙන් ඇතුළු වීමට මග පෑදෙනු ඇතැයි බටහිර රටවල බලවතුන් බිය වී ඇති බවද සඳහන් .
මෑත වසරවලදී, රුසියානු විදේශ ගමන් බලපත්‍ර ඩොනෙට්ස්ක් සහ ලුහාන්ස්ක් හි විශාල පිරිසකට ලබා දී ඇති අතර, බටහිර සහචරයින් රුසියාව දැන් තම පුරවැසියන් ආරක්ෂා කිරීමේ මුවාවෙන් හමුදා ඒකක ගෙන යා හැකි බවට බිය වෙති.
එක්සත් ජනපදය පුටින් මහතාගේ පියවර කඩිනමින් හෙළා දුටු අතර, ජනාධිපති ජෝ බයිඩන් විසින් බිඳී ගිය කලාපවල ඇමරිකානුවන් විසින් නව ආයෝජන, වෙළඳාම සහ මූල්‍යකරණය තහනම් කරන විධායක නියෝගයකට අත්සන් තබා තිබෙනවා
“රුසියාව තවදුරටත් යුක්‍රේනය ආක්‍රමණය කළහොත්” යන පදනම මත සූදානම් වන පුළුල් බටහිර සම්බාධක සඳහා මෙම පියවරගත් බව ධවල මන්දිරය පවසනවා.
එක්සත් රාජධානියේ අගමැති බොරිස් ජොන්සන් පවසන්නේ රුසියාවේ ක්‍රියාවන් ජාත්‍යන්තර නීතිය කඩ කරන ” යුක්‍රේනයේ ස්වෛරීභාවය සහ අඛණ්ඩතාව අමු අමුවේ උල්ලංඝනය කිරීමක්” බවයි.
එමෙන්ම එරට විදේශ ලේකම් Liz Truss පැවසුවේ එක්සත් රාජධානිය අඟහරුවාදා රුසියාවට නව සම්බාධක ප්‍රකාශයට පත් කරන බවයි.
යුක්‍රේන දේශසීමාවේ රුසියානු හමුදා 150,000කට වඩා වට කර ඇති අතර රුසියාව ආක්‍රමණය කිරීමට සැලසුම් කිරීම ප්‍රතික්ෂේප කර ඇතත් එක්සත් ජනපදය විශ්වාස කරන්නේ ප්‍රහාරයක් ආසන්න බවයි.
එයාර් ෆ්‍රාන්ස් සහ ලුෆ්තාන්සා ඇතුළු ගුවන් සමාගම් කිහිපයක් ආක්‍රමණ බිය හේතුවෙන් යුක්‍රේනය වෙත ගුවන් ගමන් අත්හිටුවා තිබෙනවා.