රයන්ව බේරාගන්න තවදුරටත් මෙහෙයුම්(VIDEO)
අඩි ගණනාවක් ගැඹුරු නල ළිඳකට වැටී සිරවූ දරුවෙකු බේරා ගැනීමට මොරොක්කෝ ආරක‍ෂක අංශ දියත් කර ඇති මෙහෙයුම අද සිව්වන දිනටත් ක්‍රියාත්මක වනවා.
පස් හැවිරිදි ‘රයන්’ නැමැති මෙම දරුවා බේරා ගැනීම වෙනුවෙන් අඩි ගණනාවක් ගැඹුරු මෙම ළිඳ ආසන්නයෙන් තවත් කැනීමක් සිදු කිරීමටයි ආරක‍ෂක අංශ මේ වන විටත් කටයුතු කර ඇත්තේ.
මෙම මෙහෙයුම මොරොක්කෝවේ සියලුම මාධ්‍යය ද සජීවීව විකාශය කරන අතර දරුවා පිටතට ගත් විගසම රෝහල් කරා යොමු කිරීමට හෙළිකොප්ටර් යානයක්ද යොදවා තිඛෙන බවයි එරට මාධ්‍ය පවසන්නේ.
මොරොක්කෝ රාජ්‍යයට ආසන්නයේ ඇති ඇල්ජීරියාව ඇතුළු උතුරු අප්‍රිකානු රටවල් රැසක්ම මෙම මෙහෙයුම් සඳහා ඔවුන්ගේ සහය ද මේ වන විට මොරොක්කෝ රාජ්‍යයට ලබාදී තිබෙනවා.