වැලිගම වෙඩිතැබීමට සම්බන්ධ සැකකරුවෙකු අත්අඩංගුවට

වැලිගම මහනැවියා මාර්ගයේදී පුද්ගලයින් පස් දෙනෙකුට ටී-56 වර්ගයේ ගිනි අවියකින් වෙඩිතබා පලා ගිය පුද්ගල කණ්ඩායමේ එක් සැකකරුවෙකු මාතර කොට්ඨාස අපරාධ විමර්ශන කාර්යංශයේ නිලධාරීන් විසින් ඊයේ (09) පස්වරුවේ අත්අඩංගුවට ගෙන තිබෙනවා

පසුගිය 04 වන දින අළුයම වැලිගම මහනැවියා මාර්ගයේදී යි මෙම වෙඩි තැබීම සිදු කර තිබුණේ

29 හැවිරිදි බෙලිඅත්ත ප්‍රදේශයේ පදිංචිකරුවෙකු වන එම සැකකරු වෙඩි තබා පලායෑම සඳහා සඳහා භාවිතා කළ කාර් රථයක රියදුරු බව අනාවරණය වී ඇති අතර ඔහුගෙන් සිදුකළ වැඩිදුර ප්‍රශ්න කිරීම් මගින් වෙඩි තැබීම සඳහා පැමිණි කාර් රථයද එදිනම සවස පොලිස් විමර්ශක නිලධාරීන්ගේ භාරයට ගෙන තිබෙනවා

වෙඩි තැබීම සඳහා යතුරු පැදියකින් පැමිණි 24 හැවිරිදි සැකකරුවෙකු පසුගිය 04 වනදා එම යතුරු පැදියද සමගින් අත්අඩංගුවට ගැනීමට විමර්ශක නිලධාරීන් සමත්වූ අතර ආධාර අනුබල දීම සම්බන්ධයෙන් එක් සැකකාරියක්ද මීට පෙර අත්අඩංගුවට ගෙන ගැනීමටයි කටයුතු කර තිබුණේ

එදින වෙඩිතැබීමෙන් 26 හැවිරිදි එක් පුද්ගලයෙකු මියගිය අතර 29 හැවිරිදි පුද්ගලයෙකු තුවාල ලබා වලාන රෝහල වෙත ඇතුලත් කෙරුණා

අපරාධයට සම්බන්ධ අනෙකුත් සැකකරුවන් අත්අඩංගුවට ගැනීම සඳහා අඛණ්ඩව පුළුල් විමර්ශන ක්‍රියාත්මකයි