හෙට පස්වරුව වන විට බොහෝ ස්ථානවලින් ගං වතුර බැස යනු ඇති බවට වාරි මාර්ගයෙන් අනාවැකි
හෙට පස්වරුව් වන විට බොහෝ ස්ථානවල ගංවත්‍ර මට්ටම පහව යනු ඇතැයි වාරිමාර්ග දෙපාර්තමේන්තුවේ අධ්‍යක්ෂ ජනරාල් අජිත් ගුණසේකර මහතා පවසනවා.
ඔහු සඳහන් කළේ කැලණි ගඟ ආස්ග්‍රිතව අධි ගංවතුර තත්ත්වයක් ඇතිවීම නිසා කොළඹ අවට ප්‍රදේශවල හෙට සහ අනිද්දා සවස් කාලය වන තෙක් ගංවතුර තත්ත්වය පැවතිය හැකි බවයි.
අත්තනගලු ඔය පිටාර ගැලීම හේතුවෙන් ගම්පහ නගරයේ ඇතිවී තිබෙන ගංවතුර තත්ත්වය හෙට සවස් කාලය වන විට බොහෝ ස්ථානවලින් බැස යනු ඇතැයි අජිත් ගුණසේකර මහතා සඳහන් කළා.
මහ ඔය පිටාර ගැලීම හේතුවෙන් ගිරිඋල්ල නගරයේ ඇතිවී තිබෙන ගංවතුර තත්ත්වය ක්‍රමයෙන් හෙට දිනය වනවිට යථාතත්ත්වයට පත් වනු ඇතැයි ගුණසේකර මහතා පැවසුවා.
දැදුරු ඔය ජලාශයේ තප්පරයට ඝන අඩි ලක්ෂයක් පමණ ජලය මුදාහැරීම හේතුවෙන් හලාවත මූලික රෝහල යටවී ඇති අතර එය හෙට දිනයේ පහව යනු ඇති බවට වාරි මාර්ග අධ්‍යක්ෂ ජනරාල්වරයා පැවසුවා.
මල්වතු ඔය ආශ්‍රිතව අනුරාධපුරයේ ඇතිව තිබෙන ගංවතුර ක්‍රමයෙන් හෙට සිට පහව යනු ඇතැයි වාරි මාර්ග අධ්‍යක්ෂ ජනරාල් වරයාගේ අදහසයි.