අතුරුදන් MH370 ගුවන් යානය සෙවීම අත්හිටුවයි
මැලේසියානු ගුවන් සේවයට අයත් MH370 ගුවන් යානය සෙවීමේ කටයුතු අත්හිටුවා තිබෙනවා.
අදාළ සෙවීම් කටයුතු සිදු කළ සමුද්‍රීය ගවේෂණ සමාගමක් වන Ocean Infinity විසින් අදාළ කටයුතු අත්හිටුවා ඇති අතර මෙම වසර අවසානයේදී නැවත සෙවීම් කටයුතු ආරම්භ කිරීමටයි නියමිතව ඇත්තේ.
පුද්ගලයන් 239 දෙනෙකු රැගත් Boeing 777 යානය ක්වාලාලම්පූර් සිට බීජිං දක්වා ගමන් කරමින් සිටියදී 2014 මාර්තු 8 වන දින රේඩාර් තිරයෙන් අතුරුදහන් වී තිබුණා.
ලෝක ගුවන් ඉතිහාසයේ විශාලතම සෙවීම් කටයුත්ත අදාළ ගුවන් යානය සෙවීම වෙනුවෙන් ක්‍රියාත්මක වූ නමුත් දශකයකට වැඩි කාලයක් ගත වුවද එම යානය සොයාගැනීමට හැකියාව ලැබුණේ නැහැ.
ඕස්ට්‍රේලියාවේ මූලිකත්වයෙන් සිදු කරන ලද මූලික සෝදිසි කිරීමකින් වසර තුනක් පුරා ඉන්දියන් සාගරයේ වර්ග කිලෝමීටර් 120,000 (වර්ග සැතපුම් 46,300) ප්‍රදේශය පුරා ගමන් කළ නමුත් යානයේ කිසිදු හෝඩුවාවක් සොයා ගැනීමට නොහැකි විය.
බ්‍රිතාන්‍යය සහ එක්සත් ජනපදය පදනම් කරගත් සමුද්‍ර ගවේෂණ සමාගමක් වන Ocean Infinity, මේ වසරේ නව සෙවීමක් දියත් කිරීමට එකඟ වීමට පෙර, 2018 දී අසාර්ථක සෙවීමේ මෙහෙයුමක් ද ක්‍රියාත්මක වුණා.