අවුරුද්දට ගමට යන්න 10වනදා සිට විශේෂ දුම්රිය සේවාවක්

සිංහල සහ දෙමළ අලුත් අවුරුද්ද වෙනුවෙන් ගම්බිම් බලා පිටත්ව යන ජනතාවගේ ප්‍රවාහන පහසුකම් වෙනුවෙන් ලබන 10වනදා සිට අතිරේක දුම්රිය ගමන් වාර 40ක් පමණ ධාවනයට එක් කරන බව දුම්රිය දෙපාර්තමේන්තුව පවසනවා.

කොළඹ, කොටුව දුම්රිය ස්ථානයේ සිට බදුල්ල, බෙලිඅත්ත, ත්‍රිකුණාමලය, අනුරාධපුරය ඇතුළු ගමනාන්ත කිහිපයක් සඳහා එම දුම්රිය ගමන් වාර යෙදවීමට තීරණය කර ඇති බවයි.

එමෙන්ම, උත්සව කාලය සඳහා ජනතාවගේ පහසුව වෙනුවෙන් අතිරේක බස් රථ 500ක් ද යෙදවීමට ලංකා ගමනා ගමන මණ්ඩලය සැලසුම් කර ඇති බවයි ඊයේ (01) වාර්තා වුනේ.

එම විශේෂ බස් රථ සේවය අදියර 02ක් යටතේ ක්‍රියාත්මක වන අතර එහි පළමු අදියර ලබන 09 වනදා සිට 13වනදා ක්‍රියාත්මකයි.