ඉන්දියාවේ රෝහලක ගින්නකින් රෝගීන් 8 මරුට (VIDEO)
ඉන්දියාවේ, ජායිපූර්හි සවායි මාන් සිං රෝහලේ සිහිමද මධ්‍යස්ථාන දැඩි සත්කාර ඒකකයේ ඊයේ රාත්‍රියේ දැවැන්ත ගින්නක් හටගත් අතර, බරපතල තත්ත්වයේ සිටි රෝගීන් අට දෙනෙකු මිය ගොස් තිබෙනවා.
විදුලි පරිපථයක කාන්දුවක් හේතුවෙන් ගබඩා ප්‍රදේශයේ ගින්න ආරම්භ වී ඇති බවත් , ස්නායු දැඩි සත්කාර ඒකකය ඉක්මනින් ඝන දුමාරයකින් පිරී ගිය බවත් වාර්තා වුණා.
ඒ වන විට රෝගීන් එකොළොස් දෙනෙකු එහි සිට තිබෙනවා.
රෝගීන් ගේ ඥාතීන් චෝදනා කර ඇත්තේ රෝහල් කාර්ය මණ්ඩලයේ නොසැලකිල්ල සහ රෝගීන් ඉවත් කිරීම ප්‍රමාද වූ බවටයි.
කාර්ය මණ්ඩලය අවුල් සහගත තත්ත්වය මධ්‍යයේ පලා ගිය බැවින් තම ආදරණීයයන් බේරා ගැනීමට සිදු වූ බව රෝගීන් ගේ ඥාතීන් පැවසුවා.