ඊශ්‍රායල-ගාසා ගැටුමට මැදිහත් වීමට දකුණු අප්‍රිකාව සූදානමින්
ඊශ්‍රායලය සහ පලස්තීන ප්‍රදේශ අතර පවතින ගැටුම්කාරී තත්ත්වය සම්බන්ධයෙන් මැදිහත්වීමට දකුණු අප්‍රිකාව සූදානම් බව ජනාධිපති සිරිල් රමපෝසා ප්‍රකාශ කර තිබෙනවා
ඔහු වහාම සටන් විරාමයක් ඉල්ලා සිටින බවයි විදෙස් මාධ්‍ය වාර්තා කරන්නේ
අප්‍රිකාවේ සහ ඉන් ඔබ්බෙහි ගැටුම් නිරාකරණය පිළිබඳ අත්දැකීම් තම රටට ඇති බැවින්මේ පිළිබඳව අවධානය යොමු කරන බවයි ජනාධිපති සිරිල් රමපෝසා සඳහන් කළේ.
දකුණු අප්‍රිකානු ජනාධිපතිවරයා සිවිල් වැසියන්ට එරෙහි ම්ලේච්ඡ ක්‍රියා ගැඹුරින් සැලකිලිමත් වන බව පැවසූ අතර අවශ්‍යතා ඇති පුද්ගලයින් වෙත ළඟා වීමට මානුෂීය කොරිඩෝව වහාම සහ කොන්දේසි විරහිතව විවෘත කරන ලෙසද ඉල්ලා තිබෙනවා
ඊශ්‍රායල බලධාරීන් විසින් ගාසා තීරයට විදුලිය, ජලය සහ ඉන්ධන සැපයීම කපා හැර ඇති අතර, ඔවුන් පවසන්නේ සියලුම ඊශ්‍රායල ප්‍රාණ ඇපකරුවන් ආපසු පැමිණි පසු පමණක් අවහිර කිරීම අවසන් කරන බවයි.