ඊශ්‍රායල ගුවන් ප්‍රහාරයකින් මියගිය හමාස් නායකයා
ඊශ්‍රායල විසින් එල්ල කළ ගුවන් ප්‍රහාරයක් හමුවේ දකුණු ගාසා තීරයේ හමාස් දේශපාලන නායකයා මිය ගිය බව හමාස් සංවිධානය සඳහන් කර තිබෙනවා.
අදාළ ප්‍රහාරයෙන් සලාහ් අල්-බර්ඩවීල් නම් නායකයා සහ ඔහුගේ බිරිඳ මියගොස් ඇති බවයි වාර්තා වන්නේ.
ගාසා තීරය වෙත ගුවනින්, මුහුදෙන් සහ ගොඩබිමින් එල්ල කරන ප්‍රහාර තීව්‍ර කරන බව ඊශ්‍රායලය අනතුරු අඟවා තිබුණා.
ඒ අනුව ඊශ්‍රායලය ගාසා තීරයේ තුර්කි – පලස්තීන මිත්‍රත්ව රෝහල ඉලක්ක කරමින් දැවැන්ත ගුවන්ප්‍රහාරයක් ද එල්ල කර ඇති අතර එම රෝහල විශේෂයෙන් පිළිකා රෝගීන් වෙනුවෙන් වෙන් කළ රෝහලක් ලෙසයි සැලකෙන්නේ.