කර්නාටක ප්‍රාන්තයට කොවිඩ් උපදේශන නිකුත් කරයි
කර්නාටක ප්‍රාන්තයට කොවිඩ් ප්‍රභේදය පිළිබඳ උපදේශන නිකුත් කර තිබෙනවා
ඒ අනුව ප්‍රාන්ත දේශසීමා තුළ සුපරීක්ෂාකාරීව සිටීමටයි ජනතාවට නියෝග කර ඇත්තේ
එය කේරළ සහ තමිල්නාඩුවට මායිම්ව ඇති දිස්ත්‍රික්කවල බලධාරීන්ට සුපරීක්ෂාකාරී වන ලෙසත්, ප්‍රමාණවත් පරීක්‍ෂණ සහ කොවිඩ් රෝගීන් කාලෝචිත ලෙස වාර්තා කිරීම සහතික කරන ලෙසත් දන්වා චක්‍රලේඛයක්ද නිකුත් කර තිබෙනවා
රට තුළ පවතින Covid-19 තත්ත්වය සහ JN.1 උප ප්‍රභේදය මතුවීම මෙන්ම පවතින ශීත ඍතුව සහ විශේෂයෙන් වසර අවසාන සහ අලුත් අවුරුදු උත්සවවලදී අපේක්ෂිත ජනාකීර්ණ තත්ත්වය හේතුවෙන් දැඩිව සැළකිලිමත් වන ලෙසද දන්වා ඇති බව සඳහන්
උණ, කැස්ස, සෙම්ප්‍රතිශ්‍යාව සහ දියර නාසය වැනි ශ්වසන රෝග ලක්ෂණ ඇති සියලුම දෙනා ඉක්මනින් වෛද්‍ය උපදෙස් ලබා ගත යුතු බවත්, ඔවුන් මුහුණු ආවරණ (නාසය සහ මුඛය ආවරණය කිරීම) පැළඳිය යුතු බවත්, සංවෘත, දුර්වල ලෙස වාතාශ්‍රය ඇති ස්ථාන සහ ජනාකීර්ණ ප්‍රදේශවලට යාමෙන් වැළකී සිටිය යුතු බවත් දැනුම් දී තිබෙනවා
නිතර අත් සේදීම ඇතුළුව මනා පෞද්ගලික සනීපාරක්ෂාව පවත්වා ගැනීම අවශ්‍ය බවයි චක්‍රලේඛයේ වැඩිදුරටත් සඳහන් වන්නේ