කළු ගඟේ සැඩපහරට දෙදෙනෙක් බිලි – දස හැවිදිරි දරුවෙකු අතුරුදන් (වීඩියෝ)

සිරිපාගම, ශ්‍රී පලාබද්දල ප්‍රදේශයෙන් කළු ගඟේ දිය නාමින් සිටි හතර දෙනෙකු ජල පහරකට හසු වී ගසාගෙන ගොස් ඉන් දෙදෙනෙකු මිය ගොස් ඇති බව වාර්තා වනවා.

තවත් අයෙක් මේ වනවිට අතුරුදන්ව ඇති බවයි පොලිසිය සඳහන් කළේ.

මෙම පිරිස ඊයේ (15) පස්වරුවේ මෙම අනතුරට මුහුණ පා ඇති බවයි වාර්තා වන්නේ.

සිද්ධියෙන් මිය ගොස් ඇත්තේ 22 සහ 40 හැවිරිදි එම ප්‍රදේශයේම පදිංචිකරුවන් දෙදෙනෙක්.

මේ වනවිට අතුරුදන්ව ඇත්තේ දස හැවිරිදි අඟුරුවාතොට ප්‍රදේශයේ පදිංචිව සිටි පිරිමි දරුවෙක් බවයි පොලිසිය පැවසුවේ.