ගල්කිස්සේ වෙඩිතැබීමට අදාළ වෙඩික්කරු අත්අඩංගුවට

ගල්කිස්ස සිරිපාල මාවතේ අද (19) උදෑසන සිදු කළ වෙඩි තැබීමට යතුරුපැදියකින් පැමිණි පුද්ගලයින් දෙදෙනාගෙන් වෙඩි තැබීම සිදුකළ වෙඩික්කරු දෙහිවල කවුඩාව ප්‍රදේශයේදී අත්අඩංගුවට ගෙන තිබෙනවා

පොලීසිය පැවසුවේ එම ප්‍රදේශයේ රාජකාරියේ යෙදී සිටි පොලිස් නිලධාරීන් වෙඩි තැබීම සඳහා ඔහු භාවිතාකළ මිලි මීටර් 9 වර්ගයේ ගිනි අවිය සමඟ අත්අඩංගුවට ගැනීමට සමත් වූ බවයි

එම පොලිස් නිලධාරීන් යතුරු පැදිය පරීක්ෂාකිරීමට දැරූ උත්සහයේදී ඔහු නොනවත්වා ධාවනය කර තිබුණා

අනතුරුව එය පසුපස හඹාගොස් නවත්වා ගෙන ඇති අතර එහිදී නිලධාරීන් දෙසට ඔහු වෙඩිතැබීමටද උත්සාහ දරා ඇති අතර සැකකරු මැඩපවත්වා අත්අඩංගුවට ගැනීම සිදු කිරීමට පොලිස් නිලධාරීන් සමත්ව තිබෙනවා

47 හැවිරිදි පුද්ගලයෙකු වන මොහු මින් පෙරද වාර්තා වූ මනුෂ්‍ය ඝාතනයක සැකකරුවෙකු ලෙස මේ වන විට තොරතුරු අනාවරණය කරගෙන ඇති අතර යතුරු පැදිය සහ යතුරු පැදියේ පැදිකරු සොයා මේ විනවිටත් පුළුල් විමර්ශන ක්‍රියාත්මකයි.

මෙම වෙඩිතැබීමෙන් වයස අවුරුදු 24 ක් වන පුද්ගලයෙකු මිය ගියා