ගුරුවරයා සිසුන් 7කට කොසු මිටෙන් පහර දීලා – තිදෙනෙක් රෝහලේ (VIDEO)
ගුරුවරයෙකු විසින් සිසුන් 7කට කොසු මිටෙන් පහර දීම හේතුවෙන් තිදෙනෙක් පාදුක්ක ප්‍රාදේශීය රෝහලට ඇතුළත් කර තිබෙනවා.
රෝහල් ගතවී සිටින සිසුන්ගෙන් එක් අයෙකුට තදබල ලෙස පහර වැදී ඇති අතර, අනෙක් දෙදෙනා යහපත් තත්ත්වයේ සිටින බවයි වාර්තා වන්නේ.
මෙලෙස පහර කෑමට ලක්ව ඇත්තේ 10 වන ශ්‍රේණියේ ඉගෙනුම ලබමින් සිටි සිසුන් පිරිසක්.
පාසල් ඉගෙනුම් කාලය තුළ එම සිසුන් පිරිස පාසලේ ආපන ශාලාවට යාම හේතුවෙන් පන්ති භාර ගුරුවරයා මෙලෙස පහර දී ඇති බවයි පාදුක්ක පොලිසිය සඳහන් කරන්නේ.