ට්‍රම්ප්ගෙන් තවත් දැඩි තීරණයක්
වෙනිසියුලාවෙන් තෙල් හෝ ගෑස් මිලදී ගන්නා ඕනෑම රටකින් ආනයනය කරන සියලුම භාණ්ඩ සඳහා 25% ක තීරු බදු පනවන බව අමෙරිකානු ජනාධිපති ඩොනල්ඩ් ට්‍රම්ප් පවසනවා.
අමෙරිකාවට එරෙහිව වෙනිසියුලාව දැඩි ලෙස කටයුතු කරන බැවින් එරටින් තෙල් හෝ ගෑස් මිලදී ගන්නා ඕනෑම රටකට එරෙහිව අප්‍රේල් 02 වනදා සිට තීරු බදු පැනවීමට කටයුතු කරන බවටයි ට්‍රම්ප් ප්‍රකාශ කර ඇත්තේ.
වෙනිසියුලාවෙන් තෙල් ලබාගන්නා රටවල් අතර ස්පාඤ්ඤය, ඉන්දියාව, රුසියාව, සිංගප්පූරුව සහ වියට්නාමය වන බව සඳහන්.
කෙසේවෙතත් අමෙරිකාව ද වෙනිසියුලාවෙන් ඉන්ධන මිලදී ගන්නා අතර ජනවාරි මාසයේදී අමෙරිකාව විසින් වෙනිසියුලාවෙන් තෙල් බැරල් මිලියන 8.6ක් ආනයනය කර ඇති බවයි විදෙස් මාධ්‍ය පෙන්වාදෙන්නේ.