දකුණු කොරියානු ජනපතිට එරෙහි දෝෂාභියෝගය ප්‍රතික්ෂේප වෙයි

 

දකුණු කොරියාවේ වැඩබලන ජනාධිපතිවරයා ලෙස පත් වූ එරට අගමැති Han Duck-sooට එරෙහිව එරට විපක්ෂය විසින් ගෙන එනු ලැබූ දෝෂාභියෝගය ප්‍රතික්ෂේප වී තිබෙනවා.

දකුණු කොරියාවේ ආණ්ඩුක්‍රම ව්‍යවස්ථා අධිකරණය විසින් එම දෝෂාභියෝගය ප්‍රතික්ෂේප කර ඇති බවයි විදෙස් මාධ්‍ය වාර්තා කළේ.

ඒ අනුව වැඩතහනමට ලක්ව සිටි Han Duck-soo නැවත් දකුණු කොරියාවේ වැඩබලන ජනාධිපතිවරයා ලෙස කටයුතු කිරීමට නියමිතයි.

දකුණු කොරියානු විපක්ෂය එරට ජනාධිපති Yoon Suk Yeolට එරෙහිව දෝෂාභියෝගයක් ගෙන ආවේ ජනාධිපතිවරයා පසුගිය දෙසැම්බර් 3 වනදා රාත්‍රියේ දී හදිසියේ හමුදා නීතිය පැනවීමේ සිදුවීම මුල් කරගනිමින්.

පළමු වරට ගෙනආ දෝෂාභියෝගයේදී ජනාධිපති නියෝජනය කරන පාලක People Power පක්ෂය ඡන්ද විමසීම වර්ජනය කිරීමෙන් දෝෂාභියෝගය එරට පාර්ලිමේන්තුව හමුවේ පරාජයට පත්වුණා.