බණ්ඩාරගම දී හිටපු ජේලර්වරයාට වෙඩි තැබූ සැකකරුවන් 2 ක් අත්අඩංගුවට
බණ්ඩාරගම, බොල්ගොඩ දී ඉකුත් 21 දා මෝටර් රථයක යමින් සිටි හිටපු ජේලර්වරයකුට වෙඩි තබා ඝාතනය කිරීමේ සිද්ධියට ආධාර අනුබල දුන් පුද්ගලයන් දෙදෙනකු අත් අඩංගුවට ගෙන තිබෙනවා.
පොලීසිය පැවසුවේ වෙඩික්කරුවන් පැමිණි යතුරුපැදිය කළුතර අපරාධ කොට්ඨාසය භාරයට ගත් බවයි.
ඝාතනයට ලක් වූයේ පානදුර පින්වල ප්‍රදේශයේ පදිංචි ලලිත් කුමාර කෝදාගොඩ (51) නමැති අයෙක්.
මෙලෙස අත්අඩංගුවට ගෙන ඇත්තේ පානදුර හිරන සහ මෝදරවිල නිවාස සංකීර්ණයේ පදිංචි වයස අවුරුදු 18 සහ 21 වියේ පසුවන පුද්ගලයන් දෙදෙනෙක්.
වෙඩි තැබීමට යොදාගත් යතුරුපැදිය පානදුර මෝදරවිල නිවාස සංකීර්ණය ආසන්නයේ ක්‍රීඩා පිටිය අසලදී පොලිස් භාරයට ගෙන ඇත්තේ සැකකරුවකු පදවාගෙන යමින් සිටියදීයි.
යතුරුපැදියට අදාල ලිපි ලේඛන සහ සැකකරු සතුව තිබූුරු බලපත්‍රය ද ව්‍යාජ ඒවා බවට පොලිස් විමර්ශනවලදී අනාවරණය වී තිබෙනවා.
මූලික විමර්ශනවලදී අනාවරණය වී අනාවරණය වී ඇත්තේ එම යතුරු පැදිය ඉකුත් ජූලි මස මොරටුව ප්‍රදේශයෙන් සොරා ගත් එකක් බවටයි.
අත්අඩංගුවට ගත් එක් සැකකරුවකු මෙම යතුරුපැදිය වෙඩි තැබීමට දින දෙක තුනකට ඉහතදී හිරණ බෝධිය අසල නවතා තිබී මෝදරවිල නිවාස සංකීර්ණය අසලට රැගෙන විත් තිබූ බවත් ලද දුරකථන ඇමතුමක් අනුව බණ්ඩාරගම – ප්‍රදේශයට රැගෙන විත් තිබූ බව පොලිස් විමර්ශනවලදී අනාවරණය වී තිබෙනවා.
විමර්ශන සිදුකරන පොලිස් නිලධාරියකු පැවසුවේ වෙඩි තැබීමෙන් අනතුරුව එම යතුරුපැදිය හොරණ ප්‍රදේශයේ තිබී පසුව ඔවුන් දෙදෙනා හොරණ ප්‍රදේශයෙන් යතුරුපැදිය රැගෙන ගෝනපොළ ප්‍රදේශයට ගෙන ගොස් එහි සවිකර තිබූ අංක තහඩු දෙක ඉවත් කර යතුරුපැදිය පමණක් මෝදරවිලට රැගෙන වීත් තිබූ බවයි.
සැකකරුවන්ගේ මඟපෙන්වීම මත වෙඩි තබන අවස්ථාවේදී යතුරුපැදියට සවිකර තිබූ ව්‍යාජ අංක තහඩු දෙක ගෝනපොල ප්‍රදේශයේ වෙල් යායේ තිබී පොලිසිය පසුව සොයාගෙන තිබෙනවා.