මධ්‍යම පිලිපීනයේ භූ කම්පනයක් – අවම වශයෙන් 26 ක් මිය ගොස් ඇතැයි වර්තා (VIDEO)
මධ්‍යම පිලිපීනයේ රික්ටර් මාපකයේ 6.9 ක භූමිකම්පාවකින් අවම වශයෙන් පුද්ගලයින් 26 දෙනෙකු මිය ගොස් ඇති බව ආපදා කළමනාකරණ නිලධාරීන් පවසනවා.
ජාත්‍යන්තර මාධ්‍ය පැවසුවේ භූමිකම්පාවෙන් සිදු වූ හානිය තක්සේරු කිරීමේදී බෝගෝ නගරය සහ අනෙකුත් බලපෑමට ලක් වූ නගර සහ නගර සභා ‘විපත්ති තත්ත්වයක්’ ප්‍රකාශයට පත් කර ඇති බවයි.
අද එරට දේශීය වේලාවෙන් රාත්‍රී 10:00 ට පෙර සෙබු නගරයේ වෙරළට ඔබ්බෙන් භූමිකම්පාව ඇති වූ අතර එමඟින් විදුලිය ඇනහිටීම් සහ ගොඩනැගිලි වලට හානි සිදුව ඇතැයි වාර්තා වුණා.
පිලිපීන ගිනිකඳු හා භූ කම්පන විද්‍යා ආයතනය සුනාමි උපදේශනය අවලංගු කර ඇති අතර, “සුළු මුහුදු මට්ටමේ කැළඹීම් හේතුවෙන් ඇතිවන ඕනෑම බලපෑමක් බොහෝ දුරට පහව ගොස් ඇති බව සදහන් කළා.
විසායාස් කලාපයේ පිහිටා ඇති සෙබු නගරයේ ජනගහනය මිලියනයකට ආසන්නයි.
භූමිකම්පාව සෙබු නගරයට බලපෑ විට ඊයේ රාත්‍රියේ විදුලිය හා ජල සැපයුම් විසන්ධි වූ බව මෙඩලින් නගරයේ ඡායාරූප ශිල්පියෙකු වන ඩූඩ්ස් ඩෙමේප් පැවසුවා.
“අපේ ගෙදර ඊයේ රාත්‍රියේ නටනවා වගේ. අපි භීතියට පත් වෙලා වහාම එළියට ගියා,” ඔහු බීබීසීයට පවසා තිබුණේ එලෙසයි.
“ළමයින් කම්පනයට පත් වුණා. ඔවුන් දිගටම අඬමින් සිටියා,”
පළාත් පාලන ආයතන උපදෙස් දුන් පරිදි මෙඩලින් පදිංචිකරුවන් ඊයේ රාත්‍රියේ වීදිවල නිදාගත් අතර නගරයේ පාලම් සහ වීදි කිහිපයකට දැන් ප්‍රවේශ විය නොහැකි බව වාර්තා වුණා.