මෙරටට ආ ජපාන නෞකාව

ජපාන සමුද්‍රීය ස්වයං ආරක්ෂක බලකායට අයත් ‘SAMIDARE’ නෞකාව නිල සංචාරයක් සඳහා කොළඹ වරායට සේන්දු වී තිබෙනවා.

අද (20) උදෑසන කොළඹ වරායට සේන්දු වූ එම නෞකාව නාවික හමුදාව විසින් නාවික හමුදා සම්ප්‍රදායානුකුලව පිළිගැනීමට කටයුතු කර ඇති බව සඳහන්.

‘SAMIDARE (DD – 106)’ නෞකාව, දිගින් මීටර් 150.5 ක් හා නැව් මුළුව 202කගෙන් සමත්විත වන අතර නෞකාවේ අණදෙන නිලධාරී ලෙස කොමාණ්ඩර් KOGA Naoki කටයුතු කරනු ලබනවා.

මේ අතර ‘SAMIDARE (DD – 106)’ නෞකාවේ අණදෙන නිලධාරී කොමාණ්ඩර් KOGA Naoki සහ බටහිර නාවික විධානයේ ආඥාපති රියර් අද්මිරාල් සමන් පෙරේරා අතර නිල හමුවක් බටහිර නාවික විධාන මූලස්ථානයේදී පැවැත්වුණු අතර නෞකාව දිවයිනේ රැඳී සිටින කාලසීමාව තුළ එහි නැව් මුළුව දිවයිනේ වැදගත් ස්ථාන නැරඹීම සඳහා ප්‍රදේශ කිහිපයක සංචාරය කිරීමටද නියමිතයි.

එම නෞකාව නිල සංචාරය අවසන් කරමින් ලබන 22 වනදා දිවයිනෙන් පිටත්ව යාමට නියමිත අතර එහිදී ශ්‍රී ලංකා නාවික හමුදා නෞකාවක් සමඟ බටහිර නාවික විධානයට අයත් මුහුදු තීරයේදී නාවික අභ්‍යාසයකද නිරත වීමටද නියමිත බවයි නාවික හමුදාව සඳහන් කළේ.