ලොරි රථයක් හා යතුරු පැදියක් ගැටෙයි – අයෙක් මරුට
ලොරි රථයක් හා යතුරු පැදියක් මුහුණට මුහුණ ගැටීමෙන් සිදු වූ අනතුරකින් එක් අයෙකු මිය ගොස් තවත් අයෙකු බරපතල ලෙස තුවාල ලබා ඇති බව පුත්තලම පොලීසිය පවසනවා.
අනතුර සිදුව ඇත්තේ , පුත්තලම – වනාතවිල්ලුව මාර්ගයේ 2 කණුව ප්‍රදේශයේදීයි.
තුවාල ලබා ඇති පුද්ගලයා ප්‍රතිකාර සදහා පුත්තලම මූලික රෝහලට ඇතුළත් කළ බවයි පොලිසිය වැඩිදුරටත් සඳහන් කළේ.
අනතුරින් මිය ගොස් ඇත්තේ කපුර් අස්වර් ඛාන් (අවු:27) නම් අයෙක්.
අනතුරින් තුවාල ලබා, ප්‍රතිකාර සඳහා පුත්තලම මූලික රෝහලට ඇතුළත් කර ඇත්තේ මිය ගොස් ඇති පුද්ගලයාගේ පියායි.
අනතුරට ලක්වූ ලොරි රථය පුත්තලමේ සිට වනාතවිල්ලුව දෙසට අධික වේගයෙන් ලොරි රථය ධාවනය වී ඇති බවත්,අනතුරින් පසුව ලොරියේ රියදුරු පලා ගොස් ඇති බවත් පොලීසිය කියා සිටියා.
