වලස්මුල්ලේ වයස්ගත කාන්තාවක් ඝාතනය කරලා

වලස්මුල්ල පොලිස් වසමේ උඩවත්ත, පුස්කොළයාය, කිරම ලිපිනයේ තනිව පදිංචිව සිටි වයස්ගත කාන්තාවක් ඝාතනය කර ඇති බව වලස්මුල්ල පොලීසිය පවසනවා.

පොලීස් හදිසි ඇමතුම් අංකයට ලැබුණ දැනුම් දීමකට අනුව වලස්මුල්ල පොලිස්ථානාධිපති ඇතුලු නිළධාරීන් ගොස් පරීක්ෂා කිරිමේදී අදාල කාන්තාව සිය නිවස තුල උල් ආයුදයකින් ඇන ඝාතනය කර ඇති බවට තහවුරු කරගෙන තිබෙනවා.

මෙලෙස ඝාතනයට ලක්ව ඇත්තේ මහදුරගේ කරුණාවතී නමැති 84 හැවිරිදි කාන්තාවක්.

මෙම ඝාතනය මරණකාරියගේ නිවස ආසන්නයේ පදිංචි මානසික ආබාධයකින් පෙළෙන අයකු විසින් සිදුකර ඇති බවට පොලිසිය සැක පළ කරනවා.

අදාල සැකකරු මරණකාරියගේ නිවසේ සිට ලේ තැවරුනු ඇදුම් සහිතව පැමිණෙමින් සිටියදි ප්‍රදේශවාසීන් අල්ලා ගැනිමට උත්සාහ කිරීමේදී ඔවුන්ගෙන් මිදී ඔහු පලාගොස් ඇතැයි වාර්තා වුණා.