විහාරස්ථානවල ආරක්ෂාවට පොලිසියේ 50,000ක් අද රාජකාරියේ
විහාරස්ථානවල ආරක්ෂාවට පොලිසියේ 50,000ක් අද රාජකාරියේ
පොසොන් පොහොය නිමිත්තෙන් දිවයින පුරා විහාරස්ථාන 11,100 කට ආසන්න ගණනක ආරක්ෂාව සදහා පොලිසිය ඇතුළු ත්‍රිවිධ හමුදා නිලධාරීන් 50,000 කට ආසන්න පිරිසක් යොදවා ඇති බව පොලිස් මාධ්‍ය ප්‍රකාශක කාර්යාලය නිවේදනය කරනවා.
ඒ අනුව පොලිස් නිලධාරීන් 20,000ක්, පොලිස් විශේෂ කාර්ය බළකාය 400 ක්, යුද හමුදා නිලධාරීන් 700 ක්, ප්‍රජා පොලිස් සාමාජිකයන් 27,000 ක් ද යොදවා ඇති බව සඳහන්.
එමෙන්ම පොසොන් උත්සවය පැවැත්වෙන මිහින්තලය, ශ්‍රී මහා බෝධිය, අටමස්ථාන, තන්තිරිමලේ, අවුකන, විජිතපුර හා නාමල් උයන සිද්ධස්ථාවනවලට විශේෂ ආරක්ෂාවක් සලසා ඇති බව පොලිසිය පවසනවා.
එසේම අනුරාධපුර ජලාශවල දින නාන පිරිසගේ ආරක්ෂවා සදහා පොලිස් ජීවිතාරක්ෂක නිලධාරීන් 400 කට ආසන්න සංඛ්‍යාවක් රාජකාරීයේ යොදවා ඇති අතර අනුරාධපුර සිද්ධස්ථාන ආශ්‍රිතව 4000 කට වැඩි පොලිස් නිලධාරීන් පිරිසක් යොදවන බවයි පොලිසිය වැඩිදුරටත් සඳහන් කරන්නේ.