වීදි සුනඛයින් සහ යාචකයින් ඉවත් කරන්න උපදෙස් ලබා දී නැහැ
සමාජ මාධ්‍ය තුළ සංසරණයවන වීදි සුනඛයින් සහ යාචකයින් ඉවත් කිරීමට පොලිස් ස්ථාන වෙත උපදෙස් ලබා දී නොමැති බව පොලිසිය පවසනවා
ඉන්දීය අග්‍රාමාත්‍ය නරේන්ද්‍ර මෝදි මහතාගේ පැමිණීම හේතුවෙන් ශ්‍රී ලංකා පොලීසිය විසින් ඔහු සංචාරය කරන ප්‍රදේශ තුළ සිටින වීදි සුනඛයින් සහ යාචකයින් ඉවත් කරන බවට සමාජ මාධ්‍ය ඔස්සේ සිදු කෙරන ප්‍රචාරයන් සම්බන්ධයෙන් නිවේදනයක් නිකුත් කරමින් පොලිසිය මේ බව කියා සිටියා
කෙසේ වෙතත් වැඩබලන පොලිස්පතිතුමා හෝ පොලිස් මූලස්ථානය විසින් එලෙස වීදි සුනඛයින් සහ යාචකයින් ඉවත් කිරීම සඳහා පොලිස් ස්ථාන වෙත උපදෙස් ලබාදී නොමැති බවයි එහි දැක්වෙන්නේ.
ඒ අනුව ඉන්දීය අග්‍රාමාත්‍ය නරේන්ද්‍ර මෝදි මහතාගේ පැමිණිම හේතුවෙන් මෙලෙස වීදි සුනඛයින් හා යාචකයින් ඉවත් කිරීමට ක්‍රියා කරනු නොලබන අතර මෙම ප්‍රචාරයන්ට පාදක වූ කරුණු පිළිබඳව විමර්ශනය කිරීමට වැඩබලන පොලිස්පතිතුමා විසින් තීරණය කර තිබෙනවා