ශ්‍රී ජයවර්ධනපුර රෝහලේ නව සභාපති වෛද්‍ය තමරා කළුබෝවිල
සෞඛ්‍ය හා ජනමාධ්‍ය අමාත්‍යාංශය ශ්‍රී ජයවර්ධනපුර රෝහලේ නව සභාපතිනිය ලෙස වෛද්‍ය තමරා කළුබෝවිල මහතා පත් කර ඇත.
සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා ඊයේ (29) සෞඛ්‍ය හා ජනමාධ්‍ය අමාත්‍යාංශයේදී වෛද්‍ය කළුබෝවිල මහතාට සිය පත්වීම් ලිපිය ප්‍රදානය කළා.
කොළඹ රාජකීය විද්‍යාලයේ ආදි ශිෂ්‍යයෙකු වන වෛද්‍ය කළුබෝවිල මහතා 1986 දී කොළඹ විශ්ව විද්‍යාලයේ වෛද්‍ය පීඨයෙන් MBBS උපාධියක් ලබාගත්තා.
පානදුර රෝහලේ වෛද්‍ය වෘත්තිය ආරම්භ කළ ඔහු පසුව සෞඛ්‍ය වෛද්‍ය නිලධාරී, ප්‍රාදේශීය සෞඛ්‍ය සේවා අධ්‍යක්ෂ, මාතෘ හා ළමා සෞඛ්‍ය වෛද්‍ය නිලධාරී, වසංගත රෝග විද්‍යාඥ සහ භාර වෛද්‍ය නිලධාරී ඇතුළු තනතුරු රැසක සේවය කර තිබෙනවා.
මෙම භූමිකාවන් අනුගමනය කරමින් ඔහු ,වෛද්‍ය පරිපාලන ක්ෂේත්‍රයට පිවිස ඇත්තේ හොරණ රෝහලේ වෛද්‍ය අධිකාරී ලෙසයි.
ඔහු 2002 දී කොළඹ විශ්ව විද්‍යාලයේ පශ්චාත් උපාධි වෛද්‍ය ආයතනයෙන් වෛද්‍ය පරිපාලනය පිළිබඳ පශ්චාත් උපාධි සුදුසුකමක් ලබා ගත්තා.
ඉන්පසුව, වෛද්‍ය කළුබෝවිල මහතා පානදුර, හොරණ සහ කළුතර රෝහල්වල අධ්‍යක්ෂ ලෙස මෙන්ම කළුතර සෞඛ්‍ය විද්‍යා ආයතනයේ සහ කළුතර දිස්ත්‍රික්කය සඳහා ප්‍රාදේශීය සෞඛ්‍ය සේවා අධ්‍යක්ෂ (RDHS) ලෙසද සේවය කර තිබෙනවා.
වෛද්‍ය කළුබෝවිල මහතා ශ්‍රී ජයවර්ධනපුර රෝහලේ සභාපති ලෙස අද (30) උදෑසන නිල වශයෙන් වැඩ භාර ගත්තා.
