හම්බෙගමුවේ ගංජා හේන් දෙකකට ගිනි තියයි

හම්බෙගමුව ප්‍රදේශයේ සිදුකළ හදිසි වැටලීමකදී ගංජා හේන් දෙකක් වටලා තණමල්විල හම්බෙගමුව පොලිස් ස්ථානයේ නිලධාරීන් විසින් සැකකරුවන් දෙදෙනෙකු අත්අඩංගුවට ගෙන තිබෙනවා.

එම ගංජා හේන් කැලෑ බද ප්‍රදේශවල ඉතාමත්ම සූක්ෂම ලෙස වගා කර තිබී ඇති අතර එම හේන් දෙකෙහි විවිධ උස ප්‍රමාණයේ ගංජා ගස් තිස් එක් දහසක් පමණ තිබූ බව සඳහන්.

එම ගංජාවල වටිනාකම රුපියල් ලක්ෂ පනහකට අධික බව පොලිසිය පවසන අතර සියලුම ගංජා ගස් ගිනි තබා විනාශ කර තිබෙනවා.

අත්අඩංගුවට ගත් සැකකරුවන් දෙදෙනා හම්බෙගමුව ප්‍රදේශයේ ම පදිංචි පුද්ගලයන් දෙදෙනෙකු වන අතර සැකකරුවන් වැල්ලවාය මහේස්ත්‍රාත් අධිකරණයට ඉදිරිපත් කිරීමට නියමිතයි.