රුපියල් ලක්ෂ තිහකට අධික ගංජා සමග සැකකරුවන් දෙදෙනෙකු පොලිස් දැලේ

රුපියල් ලක්ෂ තිහකට අධික ගංජා සමග සැකකරුවන් දෙදෙනෙකු පොලිස් දැලේ

තණමල්විල හම්බෙගමුව පොලිස් ස්ථානයේ නිලධාරීන් පිරිසක් විසින් හම්බෙගමුව මයිලවල සහ නෙටොල ගම යන ප්‍රදේශවල සිදුකළ වැටලීමකදී ගංජා හේන් දෙකක් වටලා සැකකරුවන් දෙදෙනෙකු අත්අඩංගුවට ගෙන තිබෙනවා.

එම ගංජා වල වටිනාකම රුපියල් ලක්ෂ තිහකට අධික බව පොලිසිය පවසන අතර සියලුම ගංජා ගස් ගිනි තබා විනාශ කර ඇති බව සඳහන්.

අත්අඩංගුවට ගත් සැකකරුවන් දෙදෙනා හම්බෙගමුව ප්‍රදේශයේ ම පදිංචිකරුවන් දෙදෙනකු වන අතර සැකකරුවන් වැල්ලවාය මහේස්ත්‍රාත් අධිකරණයට ඉදිරිපත් කිරීමට නියමිතයි.

සිද්ධිය සම්බන්ධයෙන් හම්බෙගමුව පොලිස් ස්ථානයේ නිලධාරීන් විසින් ඉදිරි විමර්ශන සිදු කරන බව සඳහන්.