195කට කොවිඩ් ආසාදනය වී ඇති බව කියන පොලිස්වසම්

නුගේගොඩ පොලිස් කොට්ඨාසයට අයත් පොලිස් වසම් 15හි මෙන්ම විශේෂ අංශ තුනක නිලධාරීන් සහ නිලධාරිනියන් 195කට කොරෝනා වෛරසය ආසාදිත වී ඇතැයි පොලිස් වාර්තා සඳහන් කරන බව දිනපතා පළවන පුවත්පතක සඳහන් කර තිබෙනවා

වැඩිම ආසාදිත පිරිස වන 34 දෙනකු බුද්ධි හා ආවේක්ෂණ කොට්ඨාසයෙන්ද, නුගේගොඩ කොට්ඨාස ළමා කාන්තා කාර්යාංශයේ මෙන්ම නුගේගොඩ කොට්ඨාස අපරාධ අංශයේ නිලධාරීන් කිහිප දෙනකුද ආසාදිතයන් අතර වන බව එම වාර්තාවේ සඳහන්

අතුරුගිරිය පොලිසියේ ස්ථානාධිපතිවරයාට, නුගේගොඩ කොට්ඨාස ළමා හා කාන්තා කාර්යාංශයේ මෙන්ම පාදුක්ක පොලිසියේ ළමා හා කාන්තා කාර්යාංශයේ ස්ථානාධිපතිනියන් ලෙස කටයුතු කරන කාන්තා ප්‍රධාන පොලිස් පරීක්ෂකවරියකට මෙන්ම කාන්තා උප පොලිස් පරීක්ෂකවරියට වෛරසය ආසාදිත වී ඇති බවයි එම වාර්තා සඳහන් කරන්නේ .

හෝමාගම, අතුරුගිරිය, තලංගම, ගොතටුව, මහරගම, කොට්ටාව, මීගොඩ, මුල්ලේරියාව, වැලිකඩ, නවගමුව, මිරිහාන, කඩුවෙල, හංවැල්ල, පාදුක්ක හා බොරලැස්ගමුව පොලිසිවල නිලධාරීන් සහ නිලධාරිනියන් එම ආසාදිත පිරිසට අයත් වන බව එම වාර්තා වැඩිදුරටත් සඳහන් කර තිබෙන බව එම පුවත්පත සඳහන් කරනවා