තවත් කඳුකර කොටියෙක් මද්දකට අසුවීමෙන් මියයයි

නුවරඑළිය, රාගල, හයිෆොරස්ට්, කහවත්ත ප්‍රදේශයේදී කම්බි මද්දකට හසුව මිය ගොස් සිටි කඳුකර කොටියෙකුගේ සිරුරක් ඊයේ (11) හමුවී තිබෙනවා.

සතුන් ඇල්ලීම සඳහා එළවළු කොටුවක අටවන ලද කම්බි මද්දකට හසුව මෙම කඳුකර කොටියා මිය යන්නට ඇති බවයි වනජීවී නිලධාරීන් පැවසුවේ.

මියගිය කඳුකර කොටියා හොඳින් වැඩුණු අඩි හතක් පමණ දිග කිලෝග්‍රෑම් 150 ක් පමණ බර පිරිමි සතෙකු බවද වනජීවී නිලධාරීන් කියා සිටියා.

මිය ගිය කොටියාගේ මළ සිරුර මරණ පරීක්ෂණය සඳහා රන්දෙණිගල පශු වෛද්‍ය රෝහලට රැගෙන යාමට වනජීවී නිලධාරීන් පියවර ගෙන තිබෙනවා.