අල්-ෂිෆා රෝහලේ හමාස් සංවිධානයට එරෙහිව ඊශ්‍රායල හමුදාව මෙහෙයුමක් ක්‍රියාත්මක කරයි
ගාසා නගරයේ අල්-ෂිෆා රෝහලේ හමාස් සංවිධානයට එරෙහිව සිය හමුදාව මෙහෙයුමක් ක්‍රියාත්මක කරන බව ඊශ්රායලය පවසනවා
මේ අතර රෝහල තුළ සිටි ඇසින් දුටු සාක්ෂිකරුවෙකු BBC පුවත් සේවයට පවසා තිබෙන්නේ සෙබළුන් එහි ප්‍රධාන හදිසි ප්‍රතිකාර අංශයට ඇතුළු වූ බව දුටු බවයි
හමාස් සංවිධානයට අල්-ෂිෆා රෝහල යටතේ අණදෙන මධ්‍යස්ථානයක් ඇති බවට ඊශ්රායලය කළ ප්‍රකාශයට පිටුබලය දෙන බුද්ධි තොරතුරු තමන් සතුව ඇති බව එක්සත් ජනපදය පවසන නමුත් හමාස් එය ප්‍රතික්ෂේප කර තිබෙනවා
එමෙන්ම රෝහලේ සේවය කරන වෛද්‍යවරයකු පැවසුවේ රෝගීන් 200 ක් එහි සමූහ මිනීවළක තැන්පත් කර ඇති බවයි.
ගාසා තීරයේ කූඩාරම්වල නිදා සිටින දහස් ගණන් ජනයා ධාරානිපාත වර්ෂාවකට මුහුණ දෙන බවද විදෙස් මාධ්‍ය පවසනවා
ඊශ්රායලය ගාසා තීරයට ප‍්‍රහාර එල්ල කිරීම ආරම්භ කරනු ලැබුවේ ඔක්තෝබර් 7වනදා ප‍්‍රහාරයෙන් පසුවයි
එහිදී 1200 දෙනෙකු මිය ගිය අතර 200කට වැඩි පිරිසක් හමාස් සංවිධානය විසින් ප‍්‍රාණ ඇපයට ගැනුණා
හමාස් පාලනය කරන සෞඛ්‍ය අමාත්‍යාංශය පවසන්නේ ගාසා තීරයේ 11,000 කට වැඩි පිරිසක් මිය ගොස් ඇති බවයි