මහනුවර දිස්ත්‍රික්කයට තැඹිලි ගම්මාන කිහිපයක්
මහනුවර දිස්ත්‍රික්කය තුළ මෙම වර්ෂයේදී තැඹිලි ගම්මාන හතරක් ස්ථාපිත කිරීමට පොල් වගා කිරීමේ මණ්ඩලය තීරණය කර තිබෙනවා.
අපනයනය කේන්ද්‍ර කොටගත් තැඹිලි ගම්මාන ස්ථාපිත කිරීමට රජය ගෙන ඇති ප්‍රතිපත්තිම තීරණය යටතේ මහනුවර දිස්ත්‍රික්කය තුළ මෙම ගම්මාන පිහිටුවීමට කටයුතු කර තිබෙනවා.
ඒ අනුව ජම්බුගහපිටිය, පන්විල, මිනිපේ හා හසලක යන ගම්මාන කේන්ද්‍ර කර ගනිමින් මෙම ගම්මාන පිහිටුවන බවත් පොල් හා ඒ ආශ්‍රිත නිෂ්පාදන ධාරිතාවට ඉහළ නැංවීම මේ යටතේ අපේක්ෂා කරන බවත් පොල් වගා කිරීමේ මණ්ඩලයේ සභාපති මාධවී හේරත් මහත්මිය වැඩිදුරටත් අදහස් දක්වමින් ප්‍රකාශ කර සිටියා.