සංවිධානාත්මක අපරාධකරුවෙකුගේ මත්ද්‍රව්‍ය ජාවාරම් මෙහෙයවූ සිව් දෙනෙකු අත්අඩංගුවට
මුල්ලේරියාව සහ දොම්පේ ප්‍රදේශවල වැටලීම් සිදුකර දැනට විදේශගතව සිටින සංවිධානාත්මක අපරාධ කරුවෙකු හා මත්ද්‍රව්‍ය ජාවාරම් කරුවෙකු වන ලලිත් කණ්නන්ගර යන පුද්ගලයා සමග සම්බන්ධතා පවත්වමින් මෙරට මත්ද්‍රව්‍ය ජාවාරම් සිදුකරන ලද පුද්ගලයන් සිව් දෙනෙකු අත්අඩංගුවට ගෙන තිබෙනවා
පොලිස් විශේෂ කාර්ය බලකාය ගෝනහේන කඳවුරේ නිලධාරීන් කණ්ඩායමක් ලද තොරතුරකට අනුවයි ඊයේ (27) මෙම පුද්ගලයින් අත්අඩංගුවට ගෙන ඇත්තේ
අත්අඩංගුවට ගත් සැකකරුවන් අවුරුදු 27,28,30 සහ 32 වයස් වල පසුවන තිත්තපත්තර, රාජගිරිය, තලංගම සහ මුල්ලේරියාව යන ප්‍රදේශවල පදිංචිකරුවන් වනවා
මොවුන් සන්තකයේ තිබි අයිස් මත්ද්‍රව්‍ය ග්‍රෑම් 22 මිලි ග්‍රෑම් 700 ක්, Pregab 150mg නැමති මත්පෙති 90 ක්, දේශිය ගංජා ග්‍රෑම් 20 ක් සහ කාර් රථයක් ද අත්අඩංගුවට ගෙන ඇති අතර වැඩිදුර විමර්ශන කටයුතු සඳහා මුල්ලේරියාව සහ දොම්පේ පොලිස් ස්ථානය වෙත භාර දී තිබෙනවා