ඇමරිකාව – ඉරානයේ න්‍යෂ්ටික මධ්‍යස්ථාන 3 කට පහර දෙයි – හානියක් නෑ.- ඉරානය කියයි
ඉරානයේ න්‍යෂ්ටික මධ්‍යස්ථාන තුනකට බෝම්බ හෙලමින් එක්සත් ජනපදය තම ප්‍රධාන ප්‍රතිවාදියාට එරෙහි ඊශ්‍රායලයේ යුද්ධයට එක්වූ බව ජනාධිපති ඩොනල්ඩ් ට්‍රම්ප් පැවසුවා.
ඊශ්‍රායලයේ පැත්තෙන් එක්සත් ජනපදය ගැටුමට අවතීර්ණ විය යුතුද යන්න තීරණය කිරීමට සති දෙකක් වැනි කාලයක් ගතවනු ඇතැයි පසුගිය සිකුරාදා පැවසූ ඩොනල්ඩ් ට්‍රම්ප් , ඇමරිකානු ගුවන් යානා ෆෝඩෝව්, නටාන්ස් සහ එස්ෆහාන් වෙත “ඉතා සාර්ථක ප්‍රහාරයක් දියත් කළ” බව නිවේදනය කළා.
1979 ඉරාන විප්ලවයෙන් පසු එක්සත් ජනපදය ඉරානය තුළ ඇති මධ්‍යස්ථානවලට පහර දුන් පළමු අවස්ථාව මෙයයි.
“ඉරානයේ ප්‍රධාන න්‍යෂ්ටික පොහොසත් කිරීමේ මධ්‍යස්ථාන සම්පූර්ණයෙන්ම විනාශ කර ඇතැයි ඇමෙරිකාව පැවසුවා.
“මැදපෙරදිග හිරිහැරකාර‍යා” වන ඉරානය දැන් සාමය ඇති කර ගත යුතු බව ඇමරිකානු ජනාධිපතිවරයා ප්‍රහාරයෙන් පසුව පවසා තිබෙනවා.
ඔහු වැඩිදුරත් පවසා ඇත්තේ “ඔවුන් එසේ නොකළහොත්, අනාගත ප්‍රහාර බොහෝ විශාල සහ බොහෝ පහසු ඉලක්ක වනු ඇත,” කියායි.
“පසුගිය දින අට තුළ අප දුටුවාට වඩා ඉරානයට සාමයක් ඇති වනු ඇත, නැතහොත් ඛේදවාචකයක් සිදුවනු ඇත,” යනුවෙන් ට්‍රම්ප් පැවසූ අතර “ඉලක්ක රාශියක් ඉතිරිව ඇත” යනුවෙන් ඉරානයට අනතුරු ඇඟවීමට ද කටයුතු කළේය.
” සාමය ඉක්මනින් නොපැමිණියේ නම්, අපි නිරවද්‍යතාවයෙන්, වේගයෙන් සහ කුසලතාවයෙන් එම අනෙකුත් ඉලක්ක පසුපස හඹායන්න සූදානම්. ඒවායින් බොහොමයක් මිනිත්තු කිහිපයකින් ඉවත් කළ හැකි‍යි,” ඔහු තවදුරත් පවසා තිබෙනවා.
ඊශ්‍රායල-ඉරාන යුද්ධය ආරම්භ වූයේ ඊශ්‍රායල හමුදාව “ඔපරේෂන් රයිසින් ලයන්” දියත් කර ඉරානයේ න්‍යෂ්ටික සහ හමුදා ස්ථාන, ඉහළ ජෙනරාල්වරුන් සහ න්‍යෂ්ටික විද්‍යාඥයින්ට පහර දුන් අවස්ථාවේදීයි.
ටෙහෙරානය න්‍යෂ්ටික අවියක් සංවර්ධනය කිරීමේ අද්දර සිටින බව නිගමනය කළ බව ඊශ්‍රායලය එහිදී පැවසුවා.
මේ අතර න්‍යෂ්ටික ස්ථාන අවට ජීවත් වන පදිංචිකරුවන්ට ද කිසිදු අනතුරක් නොමැති බව ඉරාන මධ්‍යස්ථානය නිවේදනයක් නිකුත් කරමින්ක ප්‍රකාශ කළා.
ඇමරිකා එක්සත් ජනපදය අද (22) ඉරානයට එරෙහි ඊශ්‍රායලයේ යුද්ධයට එක් වූයේ ටෙහෙරානයේ ප්‍රධාන න්‍යෂ්ටික ස්ථාන තුනට බෝම්බ හෙලීමෙන්.
ගැටුමට පළමු වරට එක්සත් ජනපද සෘජු මිලිටරි මැදිහත්වීමක් සිදු කළ අතර මෙම ප්‍රහාරය යුද්ධයේ ප්‍රධාන උත්සන්න වීමක් ලෙස සලකනු ලබනවා.
මැද පෙරදිග පූර්ණ යුද්ධයක් පිළිබඳ බිය මේ වනවිටත් පැතිරී තිබෙනවා.
ට්‍රම්ප්ට අනුව, ඇමරිකානු ගුවන් යානා “ඉතා සාර්ථක ප්‍රහාරයක් සම්පූර්ණ කර තිබෙනවා “.
ඉරාන න්‍යෂ්ටික ස්ථානවලින් එකක් වන ෆෝඩෝව්, ඉරානයේ වඩාත්ම රහසිගත සහ දැඩි ලෙස ආරක්ෂිත න්‍යෂ්ටික මධ්‍යස්ථානයයි.
එය විනාශ කිරීමට අවි බලය පැවතුනේ එක්සත් ජනපදයට පමණයි.
න්‍යෂ්ටික ස්ථාන වලට පහර දීම සඳහා ප්‍රහාරවල දී අවි වර්ග හයක් භාවිතා කර තිබෙනවා.
මේවාට ඇතුළත් වූයේ: 6 x B-2 Spirit stealth බෝම්බ, වර්ජිනියා/LA-පන්තියේ N-සබ්මැරීන, 12 x GBU-57 බංකර් බස්ටර්, 30 x Tomahawk කෲස් මිසයිල, ගුවන් විශිෂ්ටත්වය සඳහා
F-22 Raptors සහ ගුවන් සහාය සඳහා F-35 Lightning II. යන අවි විශේෂයි.
විශේෂඥයින්ට අනුව, මෙම ප්‍රහාරවලින් පරිසරය දූෂණයවීමේ අවදානම එතරම් විශාල නොවන බව සදහන්.
නමුත් වැඩිදියුණු කිරීමේ පහසුකම් වලදී, UF6 හෝ යුරේනියම් හෙක්සා ෆ්ලෝරයිඩ් කණගාටුදායක ප්‍රතිඵල ඇතිකළ හැකි බව යුද විශ්ලේෂකයින් ගේ අදහස වී තිබෙනවා.
UF6 වාතයේ ජල වාෂ්ප සමඟ අන්තර් ක්‍රියා කරන විට, එමගින් හානිකර රසායනික ද්‍රව්‍ය නිපදව වීම සිදුවනවා.
කෙසේ වෙතත්, ඕනෑම ද්‍රව්‍යයක් විසුරුවා හරින ප්‍රමාණය කාලගුණය ඇතුළු සාධක මත රඳා පවතින බව විශේෂඥ මතයයි .
භූගත පහසුකම් තිබෙන අවස්ථාවලදී දූෂණය වීමේ අවදානම අඩු වේ.
ප්‍රධාන සැලකිල්ල වනුයේ බුෂෙහර් හි ඉරානයේ න්‍යෂ්ටික ප්‍රතික්‍රියාකාරකයට පහර දීමයි.
විශේෂඥයින් පැවසුවේ වැඩිදියුනු කිරීමේ පහසුකම්වලට එල්ල වන ප්‍රහාරවලින් දූෂණයවීම අවට ප්‍රදේශ සඳහා “ප්‍රධාන වශයෙන් රසායනික ගැටළුවක්” විය හැකි වනවා.
විශේෂඥ මතය වන්නේ ව්කිරණශීලී මූලද්‍රව්‍ය, වාෂ්පශීලී ද්‍රව්‍ය දුමාරයක් හරහා හෝ මුහුදට මුදා හරින බැවින් විශාල බලශක්ති ප්‍රතික්‍රියාකාරකවලට සිදුවන හානිය පුළුල් සහ භයානක එකක් වනු ඇති බවයි.
ට්‍රම්ප් විසින් පහර දුන් ඉරාන න්‍යෂ්ටික මධ්‍යස්ථාන තුනෙන් එකක් වන ෆෝඩෝ හි චන්ද්‍රිකා ඡායාරූපයක්