චන්ද්‍රයාගේ ඈත ප්‍රදේශයේ පරිණාමය ගැන Chang’e-6 හෙළිදරව්ව
චීනයේ Chang’e-6 චන්ද්‍ර ගවේෂණ යානයෙන් පෘථිවියට රැගෙන එන ලද චන්ද්‍රයාගේ ඈත අඳුරු ප්‍රදේශයේ සාම්පල යොදා ගනිමින් සිදු කළ නවතම පර්යේෂණයන් හි ප්‍රගතිය මාධ්‍ය වෙත අනාවරණ කර තිබෙනවා.
චන්ද්‍රයාගේ එම අඳුරු ප්‍රදේශ ආශ්‍රිත පරිණාමයේ ඉතිහාසය පිළිබඳ ඉඟි සැපයීමට ද මෙම පර්යේෂණ හරහා මුල්වරට හැකියාව ලැබී ඇති බවයි එහිදී දැනුම් දී ඇත්තේ.
චීන විද්‍යා ඇකඩමිය විශේෂ මාධ්‍ය හමුවක දීයී මේ බව අනාවරණ කළේ.
Chang’e-6 මෙහෙයුම මගින් සඳෙහි ඈත ප්‍රදේශයේ සිට එකතු කරන ලද සාම්පල යොදා ගනිමින් චීන විද්‍යාඥයින් සිදු කරන ලද පර්යේෂණ මාලාවක් මේ සඳහා මූලික වී ඇති බවයි පැවසෙන්නේ.
එහිදී, චන්ද්‍රයාගේ ඈත ප්‍රදේශවල ගිනිකඳු ක්‍රියාකාරකම්, චුම්බක ක්ෂේත්‍රය, චන්ද්‍ර ප්‍රාවරණයෙහි ජල අන්තර්ගතය හා එහි භූ රසායනික ලක්ෂණ පිළිබඳ වැදගත් තොරතුරු රැසක් ද අනාවරණ වන බව හෙළිව තිබෙනවා.
ලොව ප්‍රකට Nature ජාත්‍යන්තර විද්‍යා සඟරාවෙහි ද මෙම අනාවරණ සම්බන්ධයෙන් පළ කර ඇති බවයි වාර්තා වන්නේ.