රුසියාවේ නැගෙනහිර, කම්චැට්කා අර්ධද්වීපයට ඔබ්බෙන් 8.8 ක ප්‍රබල භූමිකම්පාවක්. පැසිෆික් සාගරය පුරා සුනාමි අනතුරු ඇඟවීම් (VIDEO)
අද අලුයම රුසියාවේ ඈත පෙරදිගට බලපෑ ලොව ප්‍රබලතම භූමිකම්පාවක් වූ රික්ටර් මාපක 8.8 ක භූමිකම්පාවක් හේතුවෙන් උතුරු පැසිෆික් කලාපයේ සුනාමි තත්ත්වයක් ඇති වී අතර ඇලස්කාව, හවායි සහ නවසීලන්තය දෙසට දකුණින් පිහිටි අනෙකුත් වෙරළ තීරයන් සඳහා අනතුරු ඇඟවීම් නිකුත් කර තිබෙනවා.
ඊයේ හොනොලුලු හි සුනාමි අනතුරු ඇඟවීමේ සයිරන් නාද වූ අතර ජනතාව උස් බිම් කරා ගමන් කර තිබුණා.
ජපාන කාලගුණ විද්‍යා ඒජන්සිය පැවසුවේ රටේ ප්‍රධාන දූපත් වල උතුරු කෙළවරේ පිහිටි හොක්කයිඩෝ හි දකුණු වෙරළ තීරයේ ටොකාචි හි සෙන්ටිමීටර 40 (අඩි 1.3) ක සුනාමියක් දක්නට ලැබුණු බවයි.
කම්චැට්කා අර්ධද්වීපයේ භූමිකම්පාවේ කේන්ද්‍රස්ථානයට ආසන්නව පිහිටි රුසියානු ප්‍රදේශ හානි සහ ඉවත් කිරීම් වාර්තා කළ නමුත් බරපතල තුවාල කිසිවක් වාර්තා වී නැහැ.
පළමු සුනාමි රළ පැසිෆික් සාගරයේ රුසියාවේ කුරිල් දූපත් වල ප්‍රධාන ජනාවාසය වන සෙවෙරෝ-කුරිල්ස්ක් වෙරළබඩ ප්‍රදේශයට බලපෑ බව ප්‍රාදේශීය ආණ්ඩුකාර වැලරි ලිමරෙන්කෝ පැවසුවා.
නැවත උදම් රළ ඇතිවීමේ තර්ජනය පහව යන තුරු පදිංචිකරුවන් ආරක්ෂිත බවත් උස් බිම්වල රැඳී සිටින බව ඔහු පැවසුවා.
භූමිකම්පාවෙන් සුනාමියක් ඇති වී තිබෙන බවත්, එය සියලුම හවායි දූපත් වල වෙරළබඩ ප්‍රදේශවලට හානි කළ හැකි බවත් පැසිෆික් සුනාමි අනතුරු ඇඟවීමේ මධ්‍යස්ථානය පැවසුවා.
ඔරිගන් හදිසි කළමනාකරණ දෙපාර්තමේන්තුව ෆේස්බුක් හි පැවසුවේ දේශීය වේලාවෙන් රාත්‍රී 11:40 ට පමණ වෙරළ තීරයේ කුඩා සුනාමි රළ අපේක්ෂා කරන බවයි.
අනතුරු ඇඟවීම ඉවත් කරන තුරු වෙරළ තීරයන්, වරායන් සහ යාත්‍රා වලින් ඈත්ව සිටින ලෙසත්, ආරක්ෂිත ස්ථානයක රැඳී සිටින ලෙසත් ජනතාවගෙන් ඉල්ලා සිටියා.
කැනඩාවේ බ්‍රිතාන්‍ය කොලොම්බියා පළාත, වොෂින්ටන් ප්‍රාන්තය සහ කැලිෆෝනියාව පුරා පැතිරුණු බටහිර වෙරළ තීරයේ බොහෝ ප්‍රදේශවලට ද සුනාමි අනතුරු ඇඟවීම් නිකුත් කර තිබෙනවා.
ජපානයේ වේලාවෙන් පෙ.ව. 8:25 ට ඇති වූ භූමිකම්පාව මූලික වශයෙන් රික්ටර් මාපකයේ 8.0 ක් වූ බව ජපානය සහ එක්සත් ජනපද භූ කම්පන විද්‍යාඥයින් පැවසුවා.
එක්සත් ජනපද භූ විද්‍යා සමීක්ෂණ ආයතනය පසුව එහි මිනුම 8.8 දක්වා යාවත්කාලීන කළ අතර එම ආයතනය පැවසුවේ භූමිකම්පාව මුහුදේ කිලෝමීටර් 20.7 ගැඹුරකින් සිදු වූ බවයි.
භූමිකම්පාව කම්චැට්කා අර්ධද්වීපයේ 180,000 ක ජනගහනයක් වෙසෙන රුසියානු නගරයක් වන පෙට්‍රොපව්ලොව්ස්ක්-කම්චැට්ස්කි සිට කිලෝමීටර් 119 ක් පමණ නැගෙනහිර-ගිනිකොන දෙසින් කේන්ද්‍රගත වුණා.
රික්ටර් මාපකයේ 6.9 ක් තරම් ප්‍රබල පසු කම්පන කිහිපයක් වාර්තා වී තිබෙනවා.
ඇමරිකානු බලධාරීන් ඇලස්කාව ඇතුළු ප්‍රදේශ සඳහා සුනාමි අනතුරු ඇඟවීමක් නිකුත් කළා.
ජපානයේ කාලගුණ ඒජන්සිය සිය සුනාමි අනතුරු ඇඟවීම වැඩි දියුණු කළ අතර, මීටර් තුනක් දක්වා රළ අපේක්ෂා කරන බව පැවසුවා.
ජපාන කාලගුණ විද්‍යා ඒජන්සිය (JMA) සදහන් කළේ ජපානයේ පැසිෆික් වෙරළ තීරයේ පෙ.ව. 10:00 සිට පෙ.ව. 11:30 දක්වා රළ පහර එල්ල වනු ඇතැයි අපේක්ෂා කළ බවයි.
ඔවුන් පවසන්නේ මෙම භූමිකම්පාව බරපතල එකක් වන අතර දශක ගණනාවක ඇතිවූ කම්පන වලින් ප්‍රබලතම එකක් බව අන්තුරු ඇගවූවා.
භූමිකම්පාවෙන් පසු සුනාමි තර්ජනය හේතුවෙන් අර්ධද්වීපයට දකුණින් පිහිටි සෙවෙරෝ-කුරිල්ස්ක් නම් කුඩා නගරය සඳහා ඉවත් කිරීමේ නියෝගයක් ප්‍රකාශයට පත් කළ බව සකාලින් ආණ්ඩුකාර වැලරි ලිමරෙන්කෝ පවසා තිබුණා.