නේපාලයේ සිටින ශ්‍රී ලාංකිකයින් ආරක්ෂිතයි – තානාපති කාර්යාල‍යෙන් නිවේදනයක් (VIDEO)
නේපාලයේ වෙසෙන ශ්‍රී ලාංකිකයින් සංඛ්‍යාව 102 ක් වන අතර එහි පවතින ගැටුම් වලින් බලපෑමක් නැතැති කත්මණ්ඩු නුවර ශ්‍රී ලංකා තානාපති කාර්යාලය පවසනවා.
නිවේදනයක් නිකුත් කරන තානාපති කාර්යාලය පැවසන්නේ එරට සිටින ශ්‍රී ලාංකිකයින් ආරක්ෂිත වන අතර කිසිදු ශ්‍රී ලාංකිකයෙකු සම්බන්ධ කිසිදු සිදුවීමක් වාර්තා වී නොමැති බවයි.
තානාපති කාර්යාලය සමාජ මාධ්‍ය කණ්ඩායම් සහ දන්නා පුද්ගලයින්ගේ ජාලය ඔස්සේ ප්‍රජාව සමඟ සමීපව සම්බන්ධතා ඇතිකර ගනිමින් කටයුතු කරන බව ඔවුන් පවසනවා.
ඕනෑම සහායක් සඳහා තානාපති කාර්යාලය වෙත ළඟා වීමට ඉඩ සලසා ඇතැයි ද තනාපති කාර්යාලය නිකුත් කළ නිවේදනයේ සදහන්.
මේ අතර නේපාලයේ හිටපු අගමැති ජාලනාත් ඛනාල්ගේ බිරිඳ වන රාජ්‍යලක්ෂ්මි චිත්‍රකර් ඊයේ මිය ගිය බව මාධ්‍ය වාර්තා කරන අතර, ජෙනරාල් ඉසෙඩ්ගේ නායකත්වයෙන් යුත් විරෝධතාකරුවන් ඇයව ඔවුන්ගේ නිවස තුළ සිර කර නිවසට ගිනි තැබීමෙන් මෙම මරණය සිදුව ඇතැයි වාර්තා වනවා.
මෙය සිදුව ඇත්තේ කත්මණ්ඩු ප්‍රාන්ත අගනුවර වන ඩල්ලු ප්‍රදේශයේ ඔවුන්ගේ නිවසේදීයි.
චිත්‍රකර් මහත්මිය කීර්තිපූර් බර්න් රෝහලට වහාම ඇතුළත් කළ නමුත් ප්‍රතිකාර අතරතුර මිය ගිය බව පවුලේ ආරංචි මාර්ග පවසා තිබෙනවා.
සමාජ මාධ්‍ය වෙබ් අඩවි කිහිපයක් අවහිර කිරීම සම්බන්ධයෙන් කෝපයට පත් තරුණයින් විසින් මෙහෙයවන ලද විරෝධතා ව්‍යාපාරයක් රටේ අගනුවර අත්පත් කරගත් අතර, පොලිසිය පිරිසට සිදුකළ වෙඩි තැබීම් වලින් 19 දෙනෙකු ජීවිතක්ෂයට පත් වුණා.
සඳුදා රාත්‍රියේ තහනම ඉවත් කරන ලද නමුත් විරෝධතා දිගටම පැවතුන අතර, විරෝධතාකරුවන් නේපාලයේ ඉහළ පෙළේ නායකයින්ගේ නිවාස සහ පාර්ලිමේන්තු ගොඩනැගිල්ලට ගිනි තැබුවා.
කත්මණ්ඩු අගනුවර ගුවන් තොටුපළ වසා දමන ලද අතර හමුදා හෙලිකොප්ටර් මගින් සමහර අමාත්‍යවරුන් ආරක්ෂිත ස්ථාන වෙත ගෙන යාමට පියවර ගත්තා.
විරෝධතා උත්සන්න වීමත් සමඟ අගමැති කඩ්ගා ප්‍රසාද් ඔලි වහාම ඉල්ලා අස්වන බව නිවේදනය කළා.
සමාගම් ලියාපදිංචි වී රජයේ අධීක්ෂණයට යටත් වීමට අපොහොසත් වී ඇති බව පවසමින් රජය ෆේස්බුක්, එක්ස් සහ යූ ටියුබ් ඇතුළු වේදිකා අවහිර කිරීමෙන් පසුව ජෙනරාල් ඉසෙඩ්ගේ විරෝධය ලෙස හැඳින්වෙන – විරෝධතා ආරම්භ වුණා.