Match දිනන පරදින එක අපිට Control කරන්න අමාරුයි (VIDEO)
තරග ජයග්‍රහණය කණ්ඩායමකට පාලනය කළ නොහැකි බව ශ්‍රී ලංකා ක්‍රිකට් එක්දින නායක කුසල් මෙන්ඩිස් පවසනවා.
කණ්ඩායමක් ලෙස උපරිමයෙන් ක්‍රීඩා කළත් අවාසනාවන්ත ලෙස තරග පරාජයවීමට සිදුවූ බවයි ඔහු ප්‍රකාශ කළේ.
2023 ලෝක කුසලාන එක්දින තරගාවලියෙන් අවසනාවන්ත ලෙස ඉවත් වීමට සිදුවූ ශ්‍රී ලංකා ක්‍රිකට් කණ්ඩායම අද (10) අළුයම දිවයිනට පැමිණියා.
එම අවස්ථාවේදී මාධ්‍ය වෙත අදහස් දක්වමින් කුසල් මෙන්ඩිස් මෙම අදහස් පළ කළා.
“තරගාවලිය ගැන ඇත්තටම මට ටිකක් කණගාටුයි. හොඳින් ඉවර කරගන්න බැරි වුණා. ඒ ඇරෙන්න මට කියන්න වෙන ලොකුදෙයක් නැහැ. අපි පටන් ගනිද්දි හොඳට පටන් ගත්තා. මැච් පරදිනකොට අපි බැලුවා මොකක්ද කරන්න පුළුවන් කියලා. කණ්ඩායමක් විදියට පුළුවන් උපරිමය කරන්න තමයි බලාපොරොත්තුවෙන් හිටියේ.”
“කණ්ඩායමේ එකමුතුකමක් තිබුණේ නැහැ කියන එක ගැන මම ගොඩක් හිතන්නේ නැහැ. හැමෝම බැලුවේ තරගය දිනන්න තමයි.”