අතුරලියේ රතන හිමි සැප්තැම්බර් මස 12 දක්වා රක්ෂිත බන්ධනාගාරයට (VIDEO)
නුගේගොඩ අධිකරණයට පැමිණි පූජ්‍ය අතුරලියේ රතන හිමියන් සැප්තැම්බර් මස 12 වනදා දක්වා රක්ෂිත බන්ධනාගාර ගත කිරීමට අද (29) නියෝග කර තිබෙනවා.
2020 දී අපේ ජනතා බලය පක්ෂයේ මහ ලේකම් පූජ්‍ය වෙඩිනාගම විමලතිස්ස හිමියන් පැහැරගෙන ගොස් බිය ගැන්වීම සම්බන්ධයෙන් රතන හිමියන් අත්අඩංගුවට ගැනීමට මීට පෙර වරෙන්තු නිකුත් කර තිබුණා.
පූජ්‍ය අතුරලියේ රතන ස්වාමීන් වහන්සේ වහාම අත්අඩංගුවට ගෙන අධිකරණයට ඉදිරිපත් කරන ලෙස නුගේගොඩ මහේස්ත්‍රාත් අධිකරණය කොළඹ අපරාධ කොට්ඨාසටයට පසුගියදා නියෝග කළේ ඊට අදාළ විමර්ශනයකට අනුවයි.
ඒ අපේ ජනබල පක්ෂයේ මහලේකම් පූජ්‍ය වේදෙනිගම විමලතිස්ස හිමියන් පැහැරගත් බවට වන චෝදනාවට අදාළව ප්‍රකාශයක් ලබා දෙන ලෙස කළ දැනුම් දීම නොසලකා සැගව සිටින බවට විමර්ශන නිලධාරීන් කළ කරුණු දැක්වීමට අනුවයි.
2020 මැතිවරණයෙන් පසු රතන හිමිට ජාතික ලැයිස්තු මන්ත්‍රිධුරය ලබා ගැනීමට හැකිවුයේ තමන් පැහැරගෙන ගොස් ඊට කැමැත්ත පළකළ බව දැක්වෙන ලිපියකට බලහත්කාරයෙන් අත්සන් ලබාගැනීම නිසා බවට විමලතිස්ස හිමියන් පැමිණිලි කර තිබුණා.