ඉන්දීය විදේශ ලේකම් හෙට දිවයිනට
ඉන්දීය විදේශ ලේකම් ආචාර්ය එස් ජයශංකර් මහතා හෙට දිවයිනට පැමිණීමට නියමිත බව වාර්තා වනවා.
ඉන්දීය අග්‍රාමාත්‍ය නරේන්ද්‍ර මෝදි මහතාගේ ශ්‍රී ලංකා සංචාරය පිළිබඳ කටයුතු සොයා බැලීම සඳහා ඉන්දීය විදේශ ලේකම්වරයා ශ්‍රී ලංකාවට පැමිණෙන බවයි විදේශ කටයුතු ආරංචි මාර්ග සඳහන් කරන්නේ.
ඒ අනුව ශ්‍රී ලංකා සංචාරය අතරතුර ඔහු ජනාධිපති රනිල් වික්‍රමසිංහ මහතා හමුවී විශේෂ සාකච්ඡාවක් පැවැත්වීමටද නියමිතයි.
තවද ශ්‍රී ලංකාවේ සිදුවන ඉන්දීය ආයෝජන පිළිබඳව ආචාර්ය එස් ජයසංකර් මහතා හා ජනාධිපතිවරයා අතර පවතින සාකච්ඡාවේදී විශේෂ අවධානයක් යොමු කරන බවයි වැඩිදුරටත් සඳහන් වන්නේ.