ඉන්දුනීසියාවේ ගිනි කන්දක් පුපුරයි -10 දෙනෙකු මරුට-
ඉන්දුනීසියාවේ Lewotobi Laki-laki ගිනි කන්ද පුපුරා යාමෙන් පුද්ගලයින් 10 දෙනෙකු මියගොස් තිබෙනවා.
ගිනි කන්ද අවට සිටින පිරිස් ඉවත් කිරීමට බලධාරීන් පියවර ගෙන ඇති අතර ඉහළම මට්ටමේ අනතුරු ඇඟවීම් නිවේදන නිකුත් කර ඇති බවයි විදෙස් මාධ්‍ය වාර්තා කළේ.
ගිනි කන්දේ සිට කිලෝමීටර 4 ක් පමණ දුරක් දක්වා එහි ලාවා ගලාගොස් ඇති බව සඳහන්.
ඒ අනුවයි ගිනි කන්ද පිහිටි ස්ථානය ආශ්‍රිත ප්‍රදේශවල ජනතාව ආරක්ෂිතව ඉවත් කිරීමට පියවර ගෙන ඇත්තේ.
පුද්ගලයින් 10,000කට අධික පිරිසක් මෙලෙස ඉවත් කර ඇති අතර Maumere නගරයේ ආසන්නතම ගුවන් තොටුපළ තාවකාලිකව වසා දමා තිබෙනවා.