ගන්දර සහ බොරලැස්ගමුවේ වෙඩිතැබීම්වල සැකකරුවන් අල්ලයි
බොරලැස්ගමුව , මාලනී බුලත්සිංහල මාවතේ දී ඊයේ අළුයම පුද්ගලයකු වෙඩිතබා ඝාතනය කිරීමේ සිද්ධියට සැකපිට තිදෙනකු අත්අඩංගුවට ගෙන තිබෙනවා.
කළුබෝවිල පොලිස් විශේෂ කාර්ය බලකා කළුබෝවිල කදවුරේ නිලධාරීන්ට ලද තොරතුරක් මත මෙම අපරාධ්‍යට ආධාර අනුබල දුන් බවට සැකපිට මෙම පුද්ගලයින් අත් අඩංගුවට ගෙන ඇත්තේ දෙහිවල සහ රත්මලන යන ප්‍රදේශවලින්.
අත් අඩංගුවට ගත සැකකරුවන් වයස අවුරුදු 19 සහ 20 පසුවන්නන් බව පොලීසිය පැවසුවා.
මේ අතර ගන්දර පොලිස් වසමේ කපුගම ප්‍රදේශයේ දී යතුරු පැදියකින් පැමිණි නාදුනන පුද්ගලයින් දෙදෙනකු නිවසක සිටි පුද්ගලයකුට වෙඩි තබා මනුෂ්‍ය ඝාතනයක් සිදුකිරීමට තැත් කිරීමේ අපරාධය සම්බන්ධයෙන් වෙඩික්කරු සහ යතුරුපැදිකරු අත්අඩංගුවට ගෙන තිබෙනවා.
ඔවුන් වයස අවුරුදු 28 සහ 47 හැවිරිදි වියේ පසුවන වැල්ලම්පිටිය සහ පැලියගොඩ පදිංචිකරුවන්.
සැකකරුවන්ගෙන් සිදුකළ ප්‍රශ්න කිරීම් වලදී මෙම අපරාධ්‍ය විදෙස් රටක සැගව සිටින සංවිධානාත්මක අපරාධකරුවන් ගේ උපදෙස් මත සිදුකර ඇති බව අනාවරණය වී තිබෙනවා.