ගාසා තීරයට ඉන්ධන, ඖෂධ සහ ආහාර නොමැතිව දැඩි අර්බුදයක (VIDEO)
හමාස් ප්‍රහාරවලට ඊශ්‍රායලය ප්‍රතිචාර දක්වන ආකාරයට අනුව සැපයුම්වලට ඉඩ නොදෙන්නේ නම් ගාසා තීරය නව මානුෂීය අර්බුදයකට මුහුණ දීමට සිදු විය හැකි බව බලධාරීහු පවසනවා
ඊයේ (09) ඊශ්‍රායලය ගාසා තීරය සම්පූර්ණ වැටලීමක් සිදුකරනු ලැබුවේ විදුලිය, ආහාර, ඉන්ධන,ඖෂධ සහ ජලය කපා හරින බව පවසමිනුයි.
ප්‍රදේශවාසීන් පවසන පරිදි පසුගිය සෙනසුරාදා සිට ආධාර enclave වෙත ළඟා වී නැහැ
මෙම ප්‍රහාරවලින් 700කට ආසන්න පිරිසක් මිය ගොස් ඇති අතර තවත් දහස් ගණනක් තුවාල ලබා ඇති බවයි වාර්තා වන්නේ
මෙම ප්‍රදේශයේ මිලියන 2.3 ක පමණ ජනතාවක් වාසය කරන අතර ඔවුන්ගෙන් 80% ක් මානුෂීය ආධාර මත යැපෙන බවද සඳහන් වනවා
එමෙන්ම එක්සත් ජාතීන්ගේ මහලේකම්වරයාගේ ප්‍රකාශක Stéphane Dujarric පවසා ඇත්තේ සෞඛ්‍ය සේවකයින් දුසිමකට වැඩි පිරිසක් මිය ගොස් හෝ තුවාල ලබා ඇති අතර අවම වශයෙන් වෛද්‍ය මධ්‍යස්ථාන හතකටවත් හානි සිදුව ඇති බවයි.
ලෝක ආහාර වැඩසටහන දැනටමත් අභ්‍යන්තරව අවතැන් වූ පලස්තීනුවන් 100,000 ක් දක්වා ආහාර බෙදා හරින බවත් ඉදිරි දිනවලදී මෙම උත්සාහයන් අට ගුණයකින් වැඩි වනු ඇති බවත් ඔහු සඳහන් කරනවා.