ගිනිඅවි තුනක් සහ ගංජා සමග සැකකරුවෙකු අත්අඩංගුවට
මොණරාගල දඹගල්ල පොලිස් ස්ථානයේ නිලධාරීන් පිරිසක් විසින් දඹගල්ල කහගොල්ල තලාව ප්‍රදේශයේ සිදු කල වැටලීමකදී ගිනිඅවි තුනක් සහ ගංජා ගස් විසි හතරක් සමග සැකකරුවෙකු අත්අඩංගුවට ගෙන තිබෙනවා.
මෙරට නිෂ්පාදිත එම ගිනිඅවි සැකකරු විසින් ප්‍රදේශයේ කැලෑවක සගවා තිබියදී පොලිස් නිලධාරීන් විසින් සොයාගෙන ඇති අතර ගංජා ගස් ද එම ඉඩම තුළ වගා කර තිබූ බවයි සඳහන් වන්නේ.
අත්අඩංගුවට ගත් සැකකරු එම ප්‍රදේශයේම පදිංචි පුද්ගලයෙකු වන අතර සැකකරු සියඹලාණ්ඩුව මහේස්ත්‍රාත් අධිකරණයට ඉදිරිපත් කිරීමට නියමිතයි.
සිද්ධිය සම්බන්ධයෙන් දඹගල්ල පොලිස් ස්ථානයේ නිලධාරීන් විසින් ඉදිරි විමර්ශන සිදු කරන බවයි වැඩිදුරටත් සඳහන් වන්නේ.