ඩැනියෙල් නිසා ලිබියාවේ 200ක් මරුට – 6,000ක් පමණ අතුරුදන්
ලිබියාවේ ඇති වූ ඩැනියෙල් කුණාටුව නිසා අවම වශයෙන් පුද්ගලයින් 200 දෙනෙකු මිය ගොස් ඇති බව ලිබියානු රතු කුරුස සංවිධානය පවසනවා
කෙසේ වෙතත්, නැගෙනහිර පදනම් වූ ලිබියානු ජාතික හමුදාවේ (LNA) ප්‍රකාශක අහමඩ් මිස්මාරි පවසන පරිදි 2,000 වැඩි පිරිසක් මිය ගොස් තවත් 6,000 ක් පමණ අතුරුදන් වී තිබෙනවා
ඩැනියෙල් සුළි කුණාටුව පසුගිය ඉරිදා උතුරු අප්‍රිකානු දේශයට ළඟාවීමෙන් පසු බලධාරීන් විසින් දැඩි හදිසි තත්ත්වයක් ප්‍රකාශයට පත් කරනු ලැබුවා
දැඩි ගංවතුර නිසා ඇතිවූ පීඩනයෙන් ඩර්නා හි වේලි දෙකක් කඩා වැටි ඇති බවද සඳහන් වනවා
බෙන්ගාසි, සූසේ, ඩර්නා සහ අල්-මාර්ජ් යන නැගෙනහිර නගරවලට ඩැනියෙල් කුණාටුවෙන් බලපෑම් එල්ල වී ඇති බවද විදෙස් මාධ්‍ය වාර්තා කරනවා
මරණ සංඛ්‍යාව වැඩිවිය හැකි බව ලිබියානු රතු කුරුස සංවිධානය නිවේදනයක් නිකුත් කරමින් කියා සිටින අතර අවම වශයෙන් නිවාස 150 ක් පමණ විනාශ වී ඇති බවද එම නිවේදනයේ සඳහන් .
ලිබියානු හමුදා සාමාජිකයින් හත් දෙනෙකු ගලවා ගැනීමේ මෙහෙයුම් අතරතුර අතුරුදහන් වී ඇති අතර ඔවුන් සොයා මෙහෙයුම් ක්‍රියාත්මකයි
නැගෙනහිර ප්‍රදේශ සමග බටහිර නගරය වන මිස්රාටාද ගංවතුරෙන් පීඩාවට පත්ව තිබෙනවා
නැගෙනහිර ලිබියාවේ නිලධාරීන් විසින් ඇඳිරි නීතිය පනවා ඇති අතර පාසල් සහ වෙළඳසැල් මෙන්ම ප්‍රධාන තෙල් වරායන් හතරක්ද වසා දමා ඇති බව සඳහන්