ත්‍රිරෝද රියදුරන්ගේ රන් භාණ්ඩ කොල්ලකෑ පිරිසක් අත්අඩංගුවට
කුලී ගමන් යන මුවාවෙන් කුලී රථවල රන් භාණ්ඩ පැළඳ සිටින රියදුරන්ගේ රන් භාණ්ඩ සූක්ෂම ලෙස කොල්ලකෑ සැකකරුවන් සිව් දෙනෙකු අත්අඩංගුවට ගෙන තිබෙනවා.
බස්නාහිර පළාත දකුණ අපරාධ කොට්ඨාසය විසින් ඔවුන් අත්අඩංගුවට ගෙන ඇති බව සඳහන්.
අදාළ සැකකරුවන් ත්‍රිරෝද රථයට ගොඩවී මත්කුඩු වර්ගයක් රියදුරුට පානය කිරීමට දී කොල්ලකෑම් සිදුකරන බවටයි තොරතුරු අනාවරණය වී ඇත්තේ.
රුපියල් ලක්ෂ පනස් පහකට ආසන්න වටිනාකමකින් යුත් මුදල් සහ රන් භාණ්ඩ සැකකරුවන් කොල්ලකා ඇත අතර ඉන් රුපියල් ලක්ෂ 41ක් වටින රණ් භාණ්ඩ තොගයක් හෙට්ටි වීදය රන් භාණ්ඩ අලෙවිසැලකින් සොයා ගැනීමටද පොලීසිය සමත් වී තිබෙනවා.
සැකකරුවන් පිරිස රක්වාන, මරදාන, බදුල්ල, වැරැල්ලගම පදිංචි අවුරුදු 37-38ත් අතර පසුවන අය බවයි වාර්තා වන්නේ.